Վախազդու երկրաշարժ Տիւզճէի մէջ

23Նո­յեմ­բե­րի առա­ւօտուայ կա­նուխ ժա­մերուն Տիւզճէի մէջ տե­ղի ու­նե­ցած 6 սաստկու­թեամբ երկրա­շար­ժը վախ ու սար­սափ պատ­ճա­ռեց։ Եփի­կեդ­րո­նը Տիւզճէ քա­ղաքի 10 Քմ խո­րու­թեամբ ար­ձա­նագ­րուած երկրա­շար­ժը զգա­լի եղաւ նաեւ Ան­գա­րա, Իս­թանպուլ եւ տա­կաւին բազ­մա­թիւ քա­ղաք­նե­րու մէջ։

Օրո­ւայ ըն­թացքին Առող­ջա­պահու­թեան Նա­խարա­րը հա­ղոր­դեց թէ բա­ցի սրտի տագ­նա­պի հե­տեւան­քով մա­հացող քա­ղաքա­ցիէ մը, մա­հուան դէպ­քեր չեն ար­ձա­նագ­րո­ւած։ Հի­ւան­դա­նոց­ներ դի­մած աւելի քան 68 քա­ղաքա­ցինե­րէն միայն մէ­կուն կեան­քին վտանգ կը սպառ­նայ։ 33 վի­րաւո­րեալ­ներ ար­դէն նախ­նա­կան բու­ժում ստա­նալով դուրս եկած են հի­ւան­դա­նոց­նե­րէն։

Աղէտ­նե­րու եւ ար­տա­կարգ իրա­վիճակ­նե­րու վար­չութեան յայ­տա­րարու­թեան հա­մաձայն 04.08-էն ետք մին­չեւ առա­ւօտո­ւայ ժա­մերուն ար­ձա­նագ­րո­ւած են 106 ցնցումներ, որոնց փոք­րա­գոյ­նը 0,9 եւ ու­ժե­ղագոյ­նը 4,3 սաստկու­թեամբ ցնցումներ էին։

Նոյն աղ­բիւրը կը հա­ղոր­դէ թէ աղէտի գօ­տի ուղղար­կո­ւած են 400 վրան­ներ եւ ան­մի­ջական մի­ջոց­ներ։

Առա­ւօտո­ւայ ժա­մերուն Տիւզճէ քա­ղաքի կու­սա­կալու­թիւնն ալ յայ­տա­րարած է թէ քա­ղաքի ու գա­ւառ­նե­րու բո­լոր դպրոց­նե­րը մէկ օրո­ւայ ժամ­կէ­տով փա­կուած են։

Երկրա­շար­ժի մե­ծագոյն վնա­սը կա­յացաւ Ար­դա­րադա­տու­թեան շէն­քի վրայ։