Կարօ Փայլանի Հայաստանեան շփումները

Երեւա­նի մէջ մեկ­նարկած է «Հայ­կա­կան հա­մաշ­խարհա­յին գա­գաթ­նա­ժողով»ը։ Այս մի­ջոցա­ռու­մը հար­թակ կը դառ­նայ սփիւռքի ներ­կա­յացու­ցիչնե­րու եւ Հա­յաս­տա­նի փոր­ձա­գէտ­նե­րու հա­մար քննար­կե­լու հա­մահայ­կա­կան կա­րեւո­րու­թիւն ու­նե­ցող խնդիր­նե­րը։ Այս ծրագ­րին իրենց մաս­նակցու­թիւնը կը բե­րեն աւե­լի քան 50 եր­կիրնե­րէ 600 մաս­նա­կից­ներ։ Անոնք կը ներ­կա­յաց­նեն իրենց հա­մայնքնե­րուն գոր­ծունէու­թեան տար­բեր ոլորտնե­րը, ինչպէս՝ գի­տու­թիւն, առեւ­տուր, հա­մայնքա­յին կա­ռոյցներ, առող­ջա­պահու­թիւն, կրթու­թիւն, ճար­տա­րագի­տու­թիւն, արո­ւեստ եւ այլն։

Գա­գաթ­նա­ժողո­վին մաս­նակցած է նաեւ Թուրքիոյ խորհրդա­րանի հայ պատ­գա­մաւոր Կա­րօ Փայ­լան։ Փայ­լան այս առ­թիւ 29 Հոկ­տեմբե­րին հան­դի­պում մը ու­նե­ցած էր ՀՀ Առա­ջին նա­խագահ Լե­ւոն Տէր Պետ­րո­սեանի հետ։ Աւե­լի քան եր­կու ժամ տե­ւող այս զրոյ­ցին մաս­նակցած է նաեւ Առա­ջին նա­խագա­հի գլխա­վոր խորհրդա­կան Ժի­րայր Լի­պարի­տեան։

Կա­րօ Փայ­լան բա­ցի Լե­ւոն Տէր Պետ­րո­սեանէ, ըն­դունո­ւեցաւ նաեւ Ազ­գա­յին ժո­ղովի նա­խագահ Ալեն Սի­մոնեանի կող­մէ։ Փայ­լան Ազ­գա­յին ժո­ղովի մէջ տե­սակ­ցե­ցաւ նաեւ Հա­յաս­տան-Թուրքիա յա­րաբե­րու­թիւննե­րու բնա­կանո­նաց­ման գոր­ծընթա­ցի հայ բա­նագ­նաց Ռու­բէն Ռու­բի­նեանի հետ։

Կա­րօ Փայ­լա­նը ըն­դունեց նաեւ ՀՀ Նա­խագահ Վա­հագն Խա­չատ­րեան, ուր խօ­սակ­ցութեան առանցքը կազ­մեց Հա­յաս­տան-Թուրքիա յա­րաբե­րու­թիւննե­րու բնա­կանո­նաց­ման գոր­ծընթա­ցը։

Հա­յաս­տա­նեան մա­մուլն ալ ու­շա­դիր հե­տեւե­ցաւ Փայ­լա­նի այ­ցե­լու­թեան եւ կա­տարած շփումնե­րուն։ Հան­րա­ծանօթ լրագ­րող Պետ­րոս Ղա­զարեանի «Հ1» կա­յանէն կա­տարած հա­ղոր­դումին մաս­նակցող Փայ­լան յատ­կա­պէս շեշ­տեց ազ­գա­յին միաս­նութեան անհրա­ժեշ­տութիւ­նը մա­նաւանդ երկրի ներ­կա­յիս մատ­նո­ւած տագ­նա­պալի օրե­րուն։ Ան դժգո­հեցաւ «դա­ւաճան» մե­ղադ­րանքին այսքան շռայ­լօ­րէն սպա­ռու­մին։ Փայ­լան Թուրքիոյ քա­ղաքա­կան կեան­քի փոր­ձե­րէն ալ ծա­նօթ ըլ­լա­լով նշեց որ ազ­գայնա­կան­նե­րը որ­քան տա­րուած կրնան ըլ­լալ խա­ղաղու­թիւն պա­հան­ջողնե­րը դա­ւաճան հռչա­կելու հա­մար։

Փայ­լան հան­դի­պեցաւ նաեւ Հա­յաս­տա­նի եր­րորդ նա­խագահ Սերժ Սարգսեանի հետ։

Շրջա­նառո­ւող լու­ռե­րու հա­մաձայն Կա­րօ Փայ­լան մեր­ժած է Ռո­բերտ Քո­չարեանին հետ տե­սակ­ցե­լու հա­մար Քո­չարեանի մեր­ձա­ւոր­նե­րուն եւ դաշ­նակցա­կան­նե­րուն հան­դի­պում կազ­մա­կեր­պե­լու առա­ջարկնե­րը։