Կերպարուեստի աշխատանքներու ցուցահանդէս UWC Դիլիջանի դպրոցին մէջ
«Արուստն իմ հայրենիքն է,
իսկ միւս բոլոր արուեստագէտներն
իմ ընտանիքի անդամներն են»։
Քրիստիան Բոլտանսկի
5Ապրիլին, Դիլիջան. UWC Դիլիջանի մէջ բացուեցաւ ուսանողներու կերպարուեստի աշխատանքներու տարեկան ցուցահանդէսը, որ այս տարի կ՚անցնի «Որտե՞ղ է արուեստը» խորագրով։ Ներկայացուած են 2022թ. դպրոցը աւարտող ուսանողներու աշխատանքները։
Ցուցահանդէսին կը մասնակցին 22 ուսանող հետեւեալ երկրներէ՝ ԱՄՆ, Ֆինլանտիա, Ռուսաստան, Հայաստան, Նիդերլանդներ, Ղազախստան, Գերմանիա, Մեծ Բրիտանիա, Թուրքիա, Շուեդիա, Լիբանան, Ճապոնիա, Սիրիա, Քամպոջիա։ Մեր երիտասարդ արուեստագէտները յաղթահարած են սահմանները ոչ միայն արուեստով, այլ բառացիօրէն՝ կտրելով բազմաթիւ մղոններ UWC Դիլիջան ուսանելու համար։
Ցուցահանդէսի բացումը տեղի ունեցաւ Մարտի 27-ին յատուկ տօնական արարողութիւնով, որուն կը մասնակցէին մեր համայնքի անդամները, դպրոցի բարեկամները, հիւրեր Դիլիջանէն եւ Հայաստանի այլ վայրերէն։ Ապրիլի 3-ին դպրոց այցելեցին հայաստանեան մշակութային համայնքի ներկայացուցիչներ՝ հանդիպելու մեր ուսանողներուն եւ արուեստներու ուսուցիչներուն հետ եւ դիտելու անոնց աշխատանքները։ Հիւրերու թուին էին պատկերասրահներու եւ թանգարաններու ներկայացուցիչներ, նկարիչներ եւ լուսանկարիչներ։
«Միջազգային փոխըմբռնումը պարզապէս մոտայիկ խօսքեր չեն, այլ այն, ինչ որ մեր արուեստագէտները ապրած ու զգացած են Հայաստանի, UWC Դիլիջանի եւ մեր արուեստանոցի մէջ աշխատելու երկու տարիներու ընթացքին։ Ցուցահանդէսի նպատակն է խրախուսել երկխօսութիւնը եւ բացայայտել արուեստի տեղը այսօրուայ փխրուն աշխարհի մէջ։ Ուսանողներու աշխատանքները ցոյց կու տան, որ անոնք ունակ են կառուցել կամուրջներ քաղաքական լարուածութիւններու եւ ռազմական բախումներու առաջացուցած անդունդներու վրայով։ Ամէն մի ցուցադրուած գործ իսկապէս իւրայատուկ է եւ արտիստիկ գաղափարներու ազատ փոխանակման միջոցով նորովի մտածել կու տայ սահմաններու եւ տարբերութիւններու մասին»,- նշեց UWC Դիլիջանի արուեստներու ֆակուլտետի ղեկավար Յարոսլավ Զաբավսկին։
«Իմ բոլոր գործերը կապուած են սլավոնական մշակոյթի հետ։ Արուեստի միջոցով կը փորձեմ հաղորդել սլավոն ժողովուրդներու միասնութեան մասին իմ ըսելիքը, յատկապէս Ռուսաստանի եւ Ուքրաինայի միջեւ տեղի ունեցողի ֆոնին։ Կը կարծեմ, որ արուեստը ժողովուրդները միաւորելու մեթոդներէն մէկն է, ուստի կ՚աշխատին յետխորհրդային աշխարհի՝ ժամանակին Քիեւան Ռուսիոյ մաս կազմած մշակոյթները ներկայացնելու ուղղութեամբ», կ՚ըսէ Եւա Մոդեստովան Ռուսաստանէն։
«Իմ աշխատանքներու հիմնական թեմաներէն մէկը արուեստի ու մաթեմատիկայի փոխկապակցուածութեան արտայայտութիւնն է։ Օգտագործելով տարբեր միջոցներ՝ խաւար լուսանկար, կաւ եւ ակրիլ ներկ՝ կը փորձեմ ցոյց տալ, որ արուեստը ու մաթեմատիկան կրնան միաձուլուիլ»,- կ՚ըսէ Անդրանիկ Գալոյեանը Միացեալ Նահանգներէն։
«Իմ աշխատանքներուն ոգեշնչուած եմ աուտսայդեր արուեստով, այն է հոգեկան հիւանդութիւններէն եւ տարբեր խանգարումներէն ծնուած գործեր, որոնք մարդու աչքին ֆիզիկապէս տեսանելի չեն։ Ես կ՚ուզեմ ձայն տալ կոյրերուն, խուլերուն, փոսթթրավմատիկ սինդրոմով, դեմենցիայով կամ էպիլեպսիայով տառապող մարդկանց։ Սա նաեւ անձնական բնոյթ կը կրէ ինձ համար, քանի որ ինքս էպիլեպսիայով կը տառապիմ, ուստի կ՚ուզեմ պատկերել թէ ինչ է նոպան եւ ինչպէս այն կը պայմանաւորէ իմ աշխարհը», կ՚ըսէ Շինուկ Պլաատը Նիդեռլանդներէն։
«Իմ արուեստը եւրոպական երկրներու մէջ ճապոնական մշակոյթի տարածման մասին է։ Սա կու գայ իմ մանկութենէն. շուրջ հինգ տարի ապրած եմ արտասահմանի մէջ։ Սորված եմ ներկայացնել Ճապոնիան տարբեր երկրներու մէջ ու հիմա ալ իմ արուեստի միջոցով։ Նաեւ փորձած եմ պատկերել ֆեմինիզմը արուեստի միջոցով՝ օգտագործելով տարբեր տեխնիկաներ եւ նաեւ իմ ինքնութիւնը», - կ՚ըսէ Միսակի Մոտոհաշին Ճապոնիայէն։
UWC Դիլիջանի մասին
UWC Դիլիջանը յետխորհրդային տարածքին հիմնուած առաջին միջազգային դպրոցն է, որ կը գործէ UWC կրթական մոդելով։ Դպրոցը իր դռները բացած է 2014 թուականին Հայաստանի Դիլիջան քաղաքը։ Ան ներկայումս ունի 220 ուսանող աշխարհի աւելի քան 80 երկրներէ, իսկ դասախօսական կազմը կը ներառէ 36 ուսուցիչ՝ 15 երկրէ։
Դիլիջանի ստեղծման գաղափարը կը պատկանէ հանրօգուտ ներդրողներ եւ սոցիալական ձեռներեցներ Ռուբէն Վարդանեանին եւ Վերոնիքա Զոնաբենդին, ովքեր այն կեանքի կոչած են այլ հիմնադիր նուիրատուներու աջակցութեամբ, Քոլէճը կառուցուած է աւելի քան 330 բարերարի առատաձեռն նուիրատուութիւններու շնորհիւ։ Քոլէճի ընդունելութեան քաղաքականութիւնը հիմնուած է ֆինանսական աջակցութեան կարիքի վրայ եւ թոյլ կու տայ դիմելու բոլորին՝ անկախ սոցիալ-տնտեսական կացութենէն։ Ուսանողներու աւելի քան 80% կը ստանայ լրիւ կամ մասնակի կրթաթոշակ։
Դիլիջանի մէջ ուսումնառութեան եւ դասաւանդման գործընթացը կ՚իրականացուի «Միջազգային բակալավրիատ» (International Baccalaureate, IB) տիպլոմային ծրագրով, որը գնահատուող ծրագիր է՝ նախատեսուած 16-19 տարեկան երիտասարդներու համար։
Դիլիջանը արդէն իսկ ունի շրջանաւարտներու հինգ սերունդ (2016-էն 2021 թուականներ), որոնցմէ շատերը իրենց ուսումը կը շարունակեն աշխարհի առաջատար կրթական համալսարաններուն, այդ թուին են՝ Հարվարդի համալսարանը, Փրինսթոնի համալսարանը, Յեյլի համալսարանը, Քոլումպիայի համալսարանը, Լոնդոնի համալսարանական Քոլէճը, Տիւքի համալսարանը, Գալիֆորնիայի համալսարանը (Բերկլի), Մակ-Գիլի համալսարանը, Էդինբուրգի համալսարանը, ՔՅԿԻ-ի (Քեկի Յետբուհական Կրթութեան Ինստիտուտի) Միներվայի դպրոցը եւ այլն։
