Դէպի բնականոն կեանք

Առորջա­պահու­թեան Նա­խարար Ֆահ­րետտին Քո­ճա 2 Մարտ չո­րեք­շաբթի օր կազ­մա­կեր­պած մամ­լոյ յայ­տա­րարու­թիւնով յայ­տա­րարեց թէ պսա­կաձեւ ժահ­րի դէմ պայ­քա­րի մէջ Թուրքիա կը թե­ւակո­խէ նոր փու­լի մը։ Յետ այ­սու բաց տա­րածքնե­րու մէջ դի­մակ կրե­լու պար­տադրան­քը վե­րացած է։ Փակ տա­րածքնե­րու մէջ ալ եթէ ապա­հովուած է օդա­փոխու­թիւնը եւ ըն­կե­րային հե­ռաւո­րոթեան պայ­մաննե­րը, դար­ձեալ դի­մակ կրե­լու պար­տադրանք ի զօ­րու պի­տի չըլ­լայ։ Վե­րացած է ոեւէ հա­սարա­կական շէնք մտնե­լէ առաջ պա­տուաստման երաշ­խիք բնու­թագրող գաղտնագ­րի գոր­ծադրու­թիւնը։ Սոյն տա­րուայ ուսման տա­րեշրջա­նին ըն­դունո­ւած սկզբունքի հա­մաձայն դպրոց­նե­րէ ներս եթէ մէ­կէ աւե­լի վա­րակ­ման դէպք նկա­տուէր ամ­բողջ դա­սարա­նը կը փա­կուէր։ Նոր դրու­թիւնով այս սկզբունքն ալ զանց առ­նո­ւած է եւ աս­կէ ետք պի­տի բա­ւարա­րուի միայն վա­րակո­ւած աշա­կեր­տին մե­կու­սա­ցու­մով։

Նա­խարա­րը նշեց թէ այս մա­սին եզ­րա­կացու­թեան հա­սած են ոչ թէ գի­տական խոր­հուրդի ամ­բողջա­կան հա­մոզու­մով, այլ ձայ­նե­րու մե­ծամաս­նութեամբ։ «Ու­նէինք կան­խա­միջոց­նե­րը շա­րու­նա­կել ցան­կա­ցող ըն­կերներ ալ, բայց վեր­ջա­պէս նա­խընտրե­ցինք ըն­կե­րային կեան­քը աւե­լի բնա­կանոնաց­նող եղա­նակ­նե­րու գոր­ծադրու­թիւնը»։ Նա­խարա­րը այս առ­թիւ շնոր­հա­կալու­թիւն յայտնեց բո­լոր բու­ժաշխա­տող­նե­րուն, որոնք մեծ նո­ւիրու­մով կա­տարե­ցին իրենց վի­ճակած ծանր պար­տա­կանու­թիւնը։ Քո­ճա վեր­ջա­պէս յայ­տա­րարեց թէ իւ­րա­քան­չիւր անձ իր գի­տակ­ցութեան սահ­մաննե­րով պի­տի շա­րու­նա­կէ առող­ջութեան պահ­պանման մի­ջոց­նե­րը։ Նա­խարա­րը ան­գամ մը եւս կա­րեւո­րեց պա­տուաս­տի դե­րակա­տարու­թիւնը եւ խոր­հուրդ տո­ւաւ ան­պայման հնա­զան­դիլ պա­տուաստման կա­նոն­նե­րուն։