ԵՐԵՒԱՆ, «Լրագիր».- Պատերազմի օրերուն, Շուշիի գորգերու թանգարանէն դուրս բերուած հաւաքածոյին ճակատագիրը տակաւին անյայտ է։ Շուշիի գորգերու թանգարանի հիմնադիր Վարդան Ասծատրեան յոյս ունի, որ այս հարցին կառուցողական լուծում կը տրուի։
«Շուշիի գորգերի թանգարանից դուրս բերուած հաւաքածուի պահպանումն օդից է կախուած։ Գորգերը Հայաստանում ցուցադրուելու կամ ի պահ դրուելու տեղ չունեն», մամլոյ ասուլիսի մը ընթացքին ըսաւԱսծատրեան՝ աւելցնելով, որ գորգերը մինչ այս կը ցուցադրուէին Երեւանի մէջ։ Ալեքսանդր Թամանեանի անուան ճարտարապետութեան ազգային թանգարան-հիմնարկին մէջ։ Երկու օր առաջ ցուցադրութիւնը հաւաքած են եւ հիմա չեն գիտեր, թէ ո՛ւր պիտի տանին գորգերը։ Ան վստահ եղած է, որ համապատասխան մարմինները լուծում կու տան հարցին։
Ըստ անոր։ Հայաստանի կրթութեան, գիտութեան, մշակոյթի եւ մարմնակրթութեան նախարարութիւնը առաջարկեց գորգերը տեղափոխել կա՛մ Սարդարապատի յուշահամալիրին կից Հայաստանի ազգագրութեան թանգարանը, կա՛մ նկարիչ Յովհաննէս Շարամբէյեանի անուան ազգային արուեստի կեդրոնը։ Սակայն, ըստ Ասծատրեանի, այս թանգարանները իրենց գորգերը ունին եւ ցուցադրելու տեղ չկայ այլեւս։ Ասծատրեանին առաջարկած են նաեւ գորգերը Արցախ տեղափոխել, սակայն ան կը շեշտէ, որ կը համաձայնի, եթէ գորգերու թանգարանը պետական թանգարանի կարգավիճակ ունենայ։
«Արցախի մշակոյթի նախարարութիւնը համաձայնեց իմ առաջարկին, եւ նամակով դիմել է ՀՀ կրթութեան, գիտութեան, մշակոյթի եւ մարմնակրթութեան նախարարութեան։ Հիմա փորձագէտները սրբագրման աշխատանքներ են իրականացնում, որպէսզի պետական կնիքով հաստատուած անձնագրերը փոխանցեն Արցախի մշակոյթի նախարարութեանը։ Սակայն ինձ Արցախից զանգեցին ու ասացին։ պատրաստ են գորգերն ընդունել, սակայն թանգարանի կարգավիճակին 2 տարի յետոյ կ՛անդրադառնան», դիտել տուաւ ան։
Ասծատրեան յատուկ կերպով անդրադարձաւ այն հարցին, որ Արցախի մշակոյթի նախարարութենէն յայտնած են, որ գորգերը կը պահեն մետաքսի գործարանի տարածքին մէջ, սակայն վստահեցուց, որ այդ գործարանը մասնաւոր է, եւ չ՚ուզէր իր գորգերը այնտեղ տանիլ։ իրաւունք չունի վտանգել գորգերու ճակատագիրը։
«Այս պահին սպասողական վիճակում ենք։ մինչեւ կրթութեան, գիտութեան, մշակոյթի եւ մարմնակրթութեան նախարարութեան տուեալները կ՛ամփոփի եւ Արցախի մշակոյթի նախարարութեանը կը ներկայացնի։ Ադրբեջանցիներն արդէն իսկ սկսել են շահարկել այս թեման։ ասելով, որ եթէ գորգերը տեղ չունեն Հայաստանում, թող մնային Շուշիում։ Լիայոյս եմ, որ խնդիրը կառուցողական լուծում կը ստանայ, հակառակ դէպքում ադրբեջանցիները դա եւս կ՛իւրացնեն», ընդգծեց Ասծատրեան։
Ան վերջինս նշեց, որ ընդհանուր առմամբ, Շուշիէն դուրս բերուած են շուրջ 160 արժէքաւոր գորգեր, սակայն ցուցահանդէսին ներկայացուած էր 71 նմոյշ։ Իրենք կրցած են փրկել գորգերուն 70 տոկոսը։ Ցուցադրուած էին հիմնականին մէջ ԺԹ։ (19րդ) դարու գորգեր, սակայն հաւաքածոյին մէջ կան նաեւ ԺԷ։ (17րդ) դարու նմոյշներ։
