Էրտողան կրկին նախապայման կ՚առաջադրէ

26Հոկտեմբեր երեքշաբթի Ատրպէյճանի նախա­գահ Իլ­համ Ալիեւի հետ մամ­լոյ ժո­ղովի մաս­նակցող նա­խագահ Էր­տո­ղան Հա­յաս­տա­նի հան­րա­պետու­թեան հետ յա­րաբե­րու­թիւննե­րը բնա­կանո­նաց­նե­լու հա­մար պայ­ման դրաւ Ատրպէյ­ճա­նի հետ մտե­րիմ բա­նակ­ցութիւննե­րու գոր­ծադրու­մը։

Ատրպէյ­ճա­նի վե­րատի­րացած տա­րած­քի վրայ քննար­կումներ կա­տարող Էր­տո­ղան ու­րա­խու­թիւն յայտնեց կարճ ժա­մանա­կի մէջ ի գործ դրո­ւած ներդրումնե­րուն ակ­նարկե­լով։ Յոյս յայտնեց որ ճա­նապար­հա­շինու­թիւնը պի­տի նպաս­տէ տա­րած­քի բար­գա­ւաճ­ման։ «Այս հո­ղերէն անցնե­լիք նոր ճա­նապարհնե­րը եւ եր­կա­թու­ղին ոչ միայն Ատրպէյ­ճա­նի եւ Թուրքիոյ, այլ ամ­բողջ տա­րած­քին հա­մար տնտե­սական եւ առեւտրա­կան առիթ­ներ պի­տի գո­յաց­նէ։ Օր պի­տի գայ Զան­գե­զու­րէն անցնե­լով մին­չեւ Իս­թանպուլ պի­տի ճամ­բորդենք։ Այս զար­գա­ցումէն պի­տի օգ­տո­ւին Իրա­նի, Վրաս­տա­նի եւ Հայստա­նի նման Ատրպէյ­ճա­նի հա­րեւան եր­կիրնե­րը։ Վեր­ջա­պէս այս ծրա­գիր­նե­րը ոչ թէ ար­տաքսող այլ նե­րառող բնոյթ ու­նին։ Այս պա­հուն բնա­կանա­բար պայ­ման է սահ­մա­նագ­ծութիւ­նը եւ այդ սահ­մաննե­րու պաշ­տօ­նական ճա­նաչու­մը։ Այս նիւ­թէ ներս Հա­յաս­տան Ատրպէյ­ճա­նի հետ առ­կայ հար­ցե­րու լուծման հա­մար մտե­րիմ մեր­ձե­ցում պէտք է ցու­ցա­բերէ։ Այսպէսով Թուրքիոյ ալ Հա­յաս­տա­նի հետ յա­րաբե­րու­թիւննե­րը բնա­կանո­նաց­նե­լուն առ­ջեւ ոչ մէկ ար­գելք պի­տի մնայ։ Ամ­բողջ տա­րած­քի հա­մար բար­գա­ւաճ ապա­գայի մը հե­ռան­կա­րը պէտք չէ որ ճղճիմ հա­շիւ­նե­րու եւ ներ­քին քա­ղաքա­կանու­թեան զոհ դառ­նայ։ Ան­գամ մը եւս կ՚ընդգծեմ թէ տա­րած­քաշրջա­նի մէջ իւ­րա­քան­չիւր դրա­կան քայլ ար­ժա­նի անդրա­դար­ձը պի­տի գտնէ մեր կող­մէ» ըսաւ Թուրքիոյ նախագահը։