ՀՀսփիւռքի գործերի գլխաւոր յանձնակատարի գրասենեակի
21 Յունիսին Դիմատետրի էջէն կը տեղեկանանք «Քայլ Դէպի Տուն» ուսումնաճանաչողական երկշաբաթեայ ծրագրի մասին։
Ծրագրի առաջին փուլին կը մասնակիցին Լիբանանէն մինչեւ Իսպանիա, Գերմանիայէն մինչեւ ԱՄՆ, Ռուսաստան, Վրաստան, Իրան եւ Ուկրաինայէն սփիւռքահայ պատանիներ։
«Քայլ Դէպի Տուն» ուսումնաճանաչողական ճամբարային ծրագրի առաջին փուլը 8 երկրէն ժամանած շուրջ 100 պատանիներուն ողջունեց ու բարի գալուստ մաղթեց Գլխաւոր յանձնակատար Զարեհ Սինանեանը՝ նշելով, որ մէկ տարի ընդմիջումէն ետք հայրենիքը կարոտել էր սփիւռքի երախաներուն, անոնց ջերմութիւնը ու ժպիտը։
14-օրեայ ծրագրի ընթացքին սփիւռքահայ պատանիները կանցնին հայոց լեզուի, հայրենաճանաչութեան, երգ ու պարի դասընթացներ, կ՚այցելեն Հայաստանի ամենագեղեցիկ վայրերը, կը ծանօթանան հայրենիքի կրթական հնարաւորութիւններուն, բազմաթիւ հանդիպումներ կ՚ունենան։
Նաեւ ծրագիրը եւս 3 փուլով կը շարունակւկի մինչ Օգոստոսի կէսը՝ 400 սփիւռքահայ երախաներու հնարաւորութիւն ընձեռելով տեսնել Հայաստանը։
«Քայլ Դէպի Տուն»ծրագրի գլխաւոր գործընկերն են «Դասաւանդի՚ր, Հայաստան»հիմնադրամը, որ կ՚իրականացնէ ծրագրի ամբողջ ուսումնական բաղադրիչը։
Ծրագրի գործընկերներն են նաեւ Հայաստանի Ամերիկեան Համալսարանը, ՀԲԸՄ վիրտուալ համալսարանը, «Վորլդ Վիժն», «Արտա Տուր» կազմակերպութիւնները, «ԿԱԶԱ» Շուեյցարական մարդասիրական հիմնադրամը։
«Քայլ Դէպի Տուն»ը այս տարի կ՚անցկացուի 4 փուլով՝ հիւրընկալելով 13-18 տարեկան 400 սփիւռքահայ պատանիներ։
