Լոյս տեսաւ «Պէշիկթաշի Յուշամատեան»ը

Պատրիար­քա­րանի մա­տենա­շարէն լոյս տե­սաւ Պէ­շիկ­թաշ թա­ղի պատ­մա­կան ան­ցեալը ներ­կա­յաց­նող ու­սումնա­սիրու­թիւն մը՝ «Պէ­շիկ­թա­շի Յու­շա­մատեան» խո­րագի­րով։ Այդ կա­րեւոր աշ­խա­տասի­րու­թեան հե­ղինակն է Տէր Գրի­գոր Աւ. Քա­հանա­յ Տա­մատեանը, որ նա­խապէս ալ նման բնոյ­թով հա­տոր մը հրա­տարա­կած էր նիւթ ու­նե­նալով Գա­տըգիւղ թա­ղամա­սը։

Նոր հրա­տարա­կու­թեան առ­թիւ Տէր Գրի­գոր Քա­հանայ իր հետ ու­նե­նալով Պէ­շիկ­թա­շի թա­ղական Խոր­հուրդէն ներ­կա­յացու­ցիչներ, այ­ցե­լեց Պատ­րիար­քա­րան եւ հրա­տարա­կու­թեան առա­ջին օրի­նակը նո­ւիրեց Սա­հակ Բ. Պատ­րիարք սրբա­զանին։

Պատ­րիարք Հայրը գնա­հատան­քով ար­տա­յայ­տո­ւեցաւ Տէր Հօր մա­սին, որուն յու­շա­մատեանի աշ­խա­տու­թիւննե­րուն օղակ մը եւս կ՚աւել­նար այս շքեղ գիր­քով։ Պատ­րիարք Հայ­րը, դրո­ւատեց նաեւ Պէ­շիկ­թա­շի Եկե­ղեցին, հան­դերձ իր մեծ ըն­տա­նիքով ու մաղ­թեց որ իրենց գոր­ծունէու­թիւնը մնայ պայ­ծառ։

Պատ­րիարք Հայ­րը, թե­լադ­րեց նաեւ որ այս գիր­քը ծա­նօթա­ցուի շնոր­հա­հան­դէ­սով մը։ Այ­ցե­լու­ներ յայտնե­ցին, որ ար­դէն իսկ այս ուղղու­թեամբ յանձնա­խումբ մը գոր­ծի լծո­ւած է, առաջ­նորդու­թեամբ՝ Հայր Սուրբին, որ Ս. Զատ­կի յա­ջոր­դող օրե­րուն կը նա­խատե­սէ գիր­քը ծա­նօթաց­նել, Պատ­րիարք Սրբա­զան Հօր բարձր հո­վանա­ւորու­թեամբ։