Քաւալա կրկին ձերբակալուած

9Մարտ եր­կուշաբ­թի երե­կոյեան տե­սա-լսո­ղական դրու­թիւնով Սի­լիվ­րիի բան­տէն յայտ ներ­կա­յաց­նող Օս­ման Քա­ւալա եր­րորդ ան­գամ ձեր­բա­կալո­ւեցաւ ան­հիմն պնդումնե­րով։ Այս վեր­ջին ձեր­բա­կալու­թեան մա­սին իրա­ւապաշտպան Իլ­քան Քո­յունճու ձեր­բա­կալ­ման գոր­ծընթա­ցը նկա­րագ­րեց հե­տեւեալ կեր­պով։ «Առա­ջին ձեր­բա­կալ­ման ըն­թացքին ոս­տի­կանու­թիւնը բեր­ման են­թարկեց, հայ­ցը լսեց, փո­խան­ցեց դա­տախա­զու­թեան եւ դա­տախա­զու­թիւնն ալ առանց յայտ լսե­լու թղթած­րա­րը դա­տարան ղրկեց ձեր­բա­կալու­թեան պա­հան­ջով։ Օս­ման Քա­ւալա Հաշ­տա­րար Պատ­ժա­կան Ատեանի կող­մէ ձեր­բա­կալո­ւեցաւ։

Ձեր­բա­կալու­թեան երկրորդ գոր­ծընթա­ցին ոս­տի­կանու­թիւնը բեր­ման են­թարկեց, առանց հայց լսե­լու փո­խան­ցեց դա­տախա­զու­թեան եւ դա­տախա­զու­թիւնն ալ առանց հայց լսե­լու ձեր­բա­կալ­ման պա­հան­ջով փո­խան­ցեց դա­տարան։

Օս­ման Քա­ւալա Հաշ­տա­րար Պատ­ժա­կան Ատեանի կող­մէ ձեր­բա­կալո­ւեցաւ։

Ձեր­բա­կալ­ման եր­րորդ գոր­ծընթա­ցին ալ ոս­տի­կանու­թիւնը հայց չպա­հան­ջեց, դա­տախա­զու­թիւնը նոյնպէս։ Հաշ­տա­րար Պատ­ժա­կան Ատեանն ալ նոյնպէս առանց մե­ղադ­րեալի հայ­ցը լսե­լու ձեր­բա­կալ­ման որո­շում կա­յացուց։

Օս­ման Քա­ւալա նոյն մե­ղադ­րանքի հար­ցաքննու­թեան մէջ երեք ան­գամ ձեր­բա­կալո­ւեցաւ եւ մէկ ան­գամ ալ ազատ ար­ձա­կուե­ցաւ եւ այժմ Քա­ւալա բո­լորո­վին ու­րիշ մե­ղադ­րանքով կրկին ձեր­բա­կալուած է։ Եւ­րո­պայի Մար­դու Իրա­ւունքնե­րու Ատեանի որո­շու­մին, դա­տական բա­րեփո­խումնե­րու հրա­հան­գին հա­կառակ ձե­ւով կը շա­րու­նա­կեն Օս­ման Քա­ւալան բան­տարկու­թեան պայ­մաննե­րու մէջ պա­հել։ Ես որ­պէս փաս­տա­բան կ՚ամչնամ իրենց հա­շուոյն»։

Այս մա­սին Քա­ւալա եւս յայ­տա­րարու­թիւնով մը հան­դէս եկաւ եւ ըսաւ հե­տեւեալը. «Եր­կուշաբ­թի երե­կոյ, վեր­ջին պա­հուն ստեղ­ծո­ւած լրտե­սու­թեան մե­ղադ­րանքով եր­րորդ ան­գամ ձեր­բա­կալո­ւեցայ։ Յստակ է թէ նա­խորդնե­րուն նման, ոեւէ փաս­տա­ցի տո­ւեալէ զուրկ այս պնդու­մը ալ աւե­լի ան­հե­թեթ է, քան նա­խորդնե­րը։ Կը ջա­նայ շրջան­ցել Դա­տական բա­րեփո­խու­մի թե­լադ­րած «Ամ­բաստա­նագ­րի նա­խոր­դող ձեր­բա­կալ­ման եր­կու տա­րուայ սահ­մա­նու­մը եւ ԵՄԻԱ-ի որո­շու­մը։ ցա­ւալի ու մտա­հոգիչ է տես­նել այն իրո­ղու­թիւնը, ըստ որու ձեր­բա­կալու­թիւնս ամէն քնով շա­րու­նա­կելու նպա­տակը հա­սած է դա­տական հա­մակար­գը օրի­նազան­ցութեան աս­տի­ճանին հասցնե­լու։ Այս ըն­թացքի բնա­կան հա­մարո­ւիլը վտան­գա­ւոր օրի­նակ մը պի­տի ըլ­լայ պատ­ժա­կան դա­տերու հա­մար»։

Յայտնի է, որ մար­դու իրա­ւունքնե­րու պաշտպան Օս­ման Քա­ւալա­յի դէմ յա­րու­ցո­ւած դա­տական գոր­ծո­ղու­թիւնը բա­ցար­ձա­կապէս կապ չու­նի ար­դա­րադա­տու­թիւն հաս­կա­ցողու­թեան հետ, քա­նի որ խնդի­րը հետզհե­տէ վե­րածո­ւած է վրի­ժառու­թեան։ Իրա­ւաբա­նական բո­լոր սկզբունքնե­րը անխնայ կեր­պով ոտ­նա­կոխո­ւած են եւ իրա­ւական հա­մակար­գը կը գոր­ծէ քա­ղաքա­կան ու­ժե­րու հրա­հանգնե­րուն հա­մաձայն։ Մնաց որ Քա­ւալա այս մա­սին առան­ձին չէ, ան կը բաժ­նէ Սե­լահատ­տին Տէ­միր­թա­շի, Ահ­մետ Ալ­թա­նի եւ նոյն պայ­մաննե­րը բաժ­նող բազ­մա­թիւ ընդդի­մադիր­նե­րու վի­ճակած օրի­նազան­ցութիւնը։