Բեթղեհէմի աստղը 2020-րդ անգամ

2020-րդ ան­գամ է, որ երկնքի վրայ կը ծա­գի Բեթ­ղե­հէմի աստղը եւ մար­դիկ իրենց յոյ­սը կա­պած մսու­րէն բարձրա­ցող ճի­չին, զի­րար կը շնոր­հա­ւորեն մե­սիայի գա­լուստը աւե­տելով։ Երեք մո­քեր մեծ իմաստ տե­սան այդ աստղի լոյ­սին մէջ եւ ուղղո­ւեցան լոյ­սին թե­լադ­րած ճա­նապար­հին ու հա­սան Մա­րիամի ծննդա­բերած Յի­սու­սի մսու­րին։ Այդ օր ալ այս բա­րեբաս­տիկ ծնունդով յոյ­սե­րը կա­պուե­ցան հա­մաշ­խարհա­յին խա­ղաղու­թեան, որուն կը կա­րօտինք այդ թի­ւէն 2020 տա­րի ետք դար­ձեալ։

Բա­զում փոր­ձանքնե­րով փոր­ձո­ւեցաւ քրիս­տո­նէու­թեան հա­ւատ­քը եւ տա­կաւին բա­զում եւս փոր­ձա­քարեր կան մեր առ­ջեւ։ Մի­թէ կեան­քի ամէն մէկ հա­տուած փոր­ձութեան, փոր­ձո­ւելու նոր հրա­մայա­կան մը կը պար­զէ մեր դի­մաց։ Ինչ փոյթ։ Պի­տի յա­ջողինք այդ փոր­ձութիւննե­րու բո­լորը իսկ ան­սայթաք անցնե­լու, ոչ թէ անոր հա­մար թէ ճամ­բու աւար­տին փրկու­թիւնն է մեզ սպա­սողը։ Եթէ կայ փրկու­թեան եղա­նակ, զայն պի­տի բե­րենք բազ­մա­չար­չար տա­ռապանքնե­րու ընդմէ­ջէն յա­նուն ապա­գայի պայ­ծա­ռութեան։ Այս է էական փոր­ձութիւ­նը, որ­մէ պար­տա­ւոր ենք յա­ջողու­թեամբ դուրս գալ։ Նման յա­ջողու­թեան հա­մար մե­զի տրուած է դա­տողու­թեան միտք, գոր­ծադրե­լու կամք եւ հա­ւատք։ Այդ կամք ու հա­ւատ­քով այս տա­րի ալ դի­մաւո­րենք Բեթ­ղե­հէմի աստղը աւե­տելով՝

«Քրիս­տոս Ծնաւ եւ Յայտնեցաւ»։