Կը շարունակուի Հրանդ Տինքի դատավարութիւնը

Հրանդ Տին­քի դա­տավա­րու­թիւնը յա­ռաջի­կայ շա­բաթ պի­տի շա­րու­նա­կուի պե­տական պաշ­տօ­նեանե­րու դա­տով։ Նիս­տե­րը պի­տի կա­յանան 26, 27, 28 թո­ւական­նե­րուն յա­ջոր­դա­բար երեք օր։

Նիս­տե­րու առա­ջին օրին կը սպա­սուի, թէ որ­պէս վկայ լսո­ւին Տրա­պիզո­նի Ոս­տի­կան Զօ­րաց հրա­մանա­տարու­թե­նէն Հա­սան Կէօզա­լան, Ու­ղուր Էր­տո­ղան եւ Մուսթա­ֆա Սապ­րի Շա­հին։ Նոյն օր կը սպա­սուի ոս­տի­կան Մուսթա­ֆա Տո­լարի վկա­յու­թիւննե­րը լսել։

Յա­ջորդ օրո­ւայ հա­մար ծրագ­րո­ւած է Մուսթա­ֆա Իլ­հան, Սե­պահատ­տին Ար­թուն, Մուսթա­ֆա Քու­րուշ եւ Ֆո­ւաթ Քէօմիւրճի­ւի վկա­յու­թիւննե­րը։

Իսկ եր­րորդ օր իրենց վկա­յու­թիւննե­րը կը ներ­կա­յաց­նեն Ֆիք­րի Եալ­ման եւ Իս­մա­յիլ Կիւ­նայ։ Երկրորդ օրո­ւայ նիս­տին դա­տախազ­նե­րը պի­տի հե­տաքրքրո­ւին Սամ­սունի հան­րա­շար­ժի կան­գա­ռին մէջ ոճ­րա­գործ Օկիւն Սա­մաս­թի հետ նկա­րուե­լու խնդրի մա­սին ման­րա­մաս­նութիւննե­րով։

Դա­տարա­նը նա­խապէս պա­հան­ջած էր Ազ­գա­յին լրա­քաղու­թեան բաժ­նի պաշ­տօ­նեանե­րու հար­ցաքննու­թիւնը, բայց այս մա­սին կազ­մա­կեր­պութե­նէն պա­տաս­խան մը չէ ստա­ցուած եւ այդ նիւ­թի շուրջ որե­ւէ զար­գա­ցում չէ ար­ձա­նագ­րո­ւած։