Տատեան վարժարանի յոբելենական յանձնախումբի կողմէ տեղեկացանք, թէ 15 Նոյեմբեր ուրբաթ առաւօտ ժամը 10.30-ին պիտի կրկնուի Կոմիտասի ծննդեան 150-ամեակին ձօնուած միջոցառումը։
Նախապէս արդէն անդրադարձած էինք անուանի դերասան Արամ Կոստանեանի ջանքերով ապահովուած այս ոգեկոչման եզակիութեան։ Ան եզակի էր, քանի մեր մեծ երգահանը կու գար ոգեկոչելու գրականութեան միջոցաւ։ Հայոց բանաստեղծութեան պարտէզի մէջ գլուխ գործոց մը ըլլալով կը փայլի Պարոյր Սեւակի «Անլռելի Զանգակատուն» գործը, որ իր կարգին անզուգական է։
Կոստանեան համարձակ որոշումով մը այդ բացառիկն է, որ կեանքի կը կոչէ կենդանութիւն շնորհելով Սեւակի տողերուն։ Սոյն կրկնութիւնը ապահովուեցաւ յատկապէս մեր վարժարաններէն եկած խնդրանքներուն ընդառաջելով։ Նշենք որ, ազատ մուտքով այս ներկայացումը բաց է բոլորին համար։
