Յուլիս ամսուայ առաջին օրերուն Մեծի Տանն կիլիկիոյ Կաթողիկոսութեան նախաձեռնութեամբ Անթիլիասի մէջ կայացած ժողովէն ետք հայ մամուլը անգամ մը եւս օրակարգի կու գայ այս անգամ Հայաստանի մէջ։
Այս մասին կատարուած հաղորդագրութեամբ տեղեակ կ՚ըլլանք թէ 28-29 Նոյեմբեր թուականներուն պիտի կայանայ «Հայ մամուլի դերը ազգային արժեհակարգի ձեւաւորման եւ պահպանման գործում, ընտանիք, հայրենիք, եկեղեցի»։
Այս խորագրեալ ժողովը նուիրուած է հայ առաջին պարբերական մամուլի՝ «Ազդարար»ի հրատարակութեան 225 եւ Մայր Աթոռի պաշտօնաթերթ «Էջմիածին»ի հրատարակութեան 75 ամեակներուն։
Նախաձեռնութեան կազմակերպիչներն են Մայր Աթոռի «Վաչէ եւ Թամար Մանուկեան» մատենադարանը եւ Հայաստանի Ազգային Գրադարանը։
Կարեւոր գործօն մըն է, այն թէ Մայր Աթոռը 2019 թուականը յայտարարած էր «Ընտանիքի տարի»։ Գիտաժողովին պիտի կրնան մասնակցիլ Հայաստանի Հանրապետութեան, Արցախի Հանրապետութեան եւ սփիւռքի մամուլի հետազօտողներ։ Գիտաժողովի զեկուցումները որպէս անջատ յօդուածներ պիտի հրատարակուին «Էջմիածին» հանդէսի մէջ։ Նիւթի մանրամասնութիւններու համար կարելի է դիմել info@nla.am,matenadaran.etchmiadzin@gmail.com
