Քանի մը օր առաջ «Թուիթըրի» վրայ տեղադրած լուսանկարի մը տակ Արտաքին Գործոց նախարար Մեվլութ Չաւուշօղլուի ընտանիքը անարգելու մեղադրանքով 8 Հոկտեմբերին բերման ենթարկուեցաւ Նաթալի Աւազեանը։ Աւազեան ձեռնակապուած վիճակով եկած Քարթալի Արդարադատական Պալատին մէջ գիշերելէ ետք յաջորդ օր հարցաքննուեցաւ եւ դատական հսկողութեան պայմաններով ազատ արձակուեցաւ։
Աւազեան «Թուիթըր»ի իր էջին վրայ դրած էր ընտանեկան խմբանկար մը, որուն տակ գրած էր 1988 Մեվլութ Չաւուշօղլուի ընտանիքը։ ապա աւելցուցած էր, թէ նախարար Չաւուշօղլուի հայրը կը յիշուի Աւազակ Քիւրտ Օսման անունով եւ ընտանիքը գաղթած է Էրզրումի Հորասան գաւառէն։
Նախարար Չաւուշօղլու իսկոյն բողոք յայտնած էր Աւազեանի դէմ։
