Ընտրութիւնները չեղեալ համարուեցան, նոր վարկածները խիստ մտահոգիչ

Ընտրու­թեան կեդ­րո­նական յանձնա­ժողո­վը 6 Մա­յիսին կա­տարած ժո­ղովով չե­ղեալ հա­մարեց Իս­թանպու­լի քա­ղաքա­պետի ընտրու­թիւնը։ 7 կողմ եւ 4 դէմ ձայ­նե­րով կա­յացած այս որո­շու­մէն ետք Իս­թանպու­լի քա­ղաքա­պետը ճշդե­լու հա­մար 23 Յու­նի­սին պի­տի կա­յանայ նոր ընտրու­թիւն։ Ինչպէս ծա­նօթ է 31 Մար­տին Հան­րա­պետա­կան կու­սակցու­թեան թեկ­նա­ծու Էք­րեմ Իմա­մօղ­լու ձայ­նե­րու մե­ծամաս­նութեան տի­րանա­լով ընտրո­ւած էր Իս­թանպու­լի քա­ղաքա­պետ։ ԱՔՓ կու­սակցու­թիւնը իս­կոյն առար­կած էր այս ար­դիւնքնե­րուն պնդե­լով կարգ մը զեղ­ծա­րարու­թիւննե­րու մա­սին։ Սա­կայն չէր կրցած այդ պնդումնե­րը փաս­տա­ցի տո­ւեալ­նե­րով ներ­կա­յաց­նել։ Առար­կութիւ­նը ըն­դունո­ւած էր Ընտրու­թեան կեդ­րո­նական յանձնա­ժողո­վի կող­մէ եւ կարգ մը թա­ղերու մէջ ան­վա­ւեր հա­մարո­ւած քո­ւէնե­րը կրկին հա­շուած։ Գոր­ծընթա­ցի տե­ւողու­թեամբ ԱՔՓ յա­ւելեալ պա­հանջնե­րով ընդլայ­նեց իր առար­կութիւննե­րը դար­ձեալ առանց փաս­տեր ներ­կա­յաց­նե­լու։ Իմա­մօղ­լու մօտ 20 օրո­ւայ յա­պաւու­մով ստա­ցաւ իր լիազօ­րագի­րը եւ ստանձնեց քա­ղաքա­պետի պաշ­տօ­նը։

Յանձնա­ժողո­վի ընտրու­թիւնը չե­ղեալ հա­մարե­լու որո­շու­մէն ետք քա­ղաքա­պետի լիազօ­րագիրն ալ չե­ղեալ հա­մարո­ւած է եւ այժմ այդ պաշ­տօ­նը ժա­մանա­կաւոր կեր­պով կը տա­նի Իս­թանպու­լի կու­սա­կալը։

Որո­շու­մը դժգո­հու­թեան բուռն ալիք մը ստեղ­ծեց ընդդի­մադիր շրջա­նակ­նե­րու եւ ընտրող­նե­րու լայն զան­գո­ւածի մը մօտ։ Անոնք իրենց դժգո­հու­թիւնը յայտնե­ցին աղմկե­լով եւ ան­պատրաս­տից փո­ղոցի ցոյ­ցեր ու եր­թեր կազ­մա­կեր­պե­լով։ Այժմէն յայտնի դար­ձած է, որ կարգ մը քա­ղաքա­կան կու­սակցու­թիւններ պի­տի հրա­ժարին թեկ­նա­ծու առա­ջադ­րե­լէ եւ զօ­րակ­ցին ընդդի­մադիր թեկ­նա­ծու Էք­րեմ Իմա­մօղ­լո­ւի։

Իմա­մօղ­լու 6 Մա­յիսի գի­շերո­ւայ ժա­մերուն հան­րա­հաւաք մը կազ­մա­կեր­պեց նա­խապէս իր պաշ­տօ­նավա­րած Պէյ­լիքտիւ­զիւ թա­ղամա­սին մէջ եւ խոս­տա­ցաւ, որ վհա­տելու պատ­ճառ չկայ ամէն ինչ լաւ պի­տի ըլ­լայ։ «Ամէն ինչ լաւ պի­տի ըլ­լայ» ան­հիմն, բայց յոյս ներշնչող նա­խադա­սու­թիւնը ժա­մերու ըն­թացքին վե­րածո­ւեցաւ կար­գա­խօսի եւ ըն­կե­րային ցան­ցե­րու մէջ բիւ­րա­ւոր­ներ կը ձայ­նակցին նոյն բա­րի մաղ­թանքին։

Վեր­լուծա­բան­ներ ընդհա­նուր հա­մոզու­մի յան­գած են, թէ Իմա­մօղ­լու կը գե­րազան­ցէ իր ստա­ցած ձայ­նե­րը։ Սա­կայն բո­լորը գի­տեն թէ նա­խագահ Էր­տո­ղան ինք եւս կրնայ կան­խա­տեսել այս վար­կա­ծը, հե­տեւա­բար մի­ջոց­նե­րու կը ձեռ­նարկէ նման հա­ւանա­կանու­թիւնը կան­խե­լու հա­մար։

Յի­շենք որ, 7 Յու­նիս 2015-ի ընտրու­թիւննե­րը եւս տո­ւած էին նման ար­դիւնք եւ Էր­տո­ղան ամէն գնով ար­գելք եղած էր կա­ռավա­րու­թիւն մը ձե­ւաւո­րելու, եր­կի­րը դրած էր պա­տերազ­մի պայ­մաննե­րուն եւ այդ ըն­թացքին մէջ կա­տարո­ւած կրկնա­կի ընտրու­թիւննե­րով ալ վե­րատի­րացած էր նա­խապէս կորսնցու­ցած ու­ժին։ Ար­դա­րեւ այս խոր­հուրդը ինքնին լուրջ մտա­հոգու­թեան մը պատ­ճառ կը դառ­նայ, քա­նի որ շա­տեր հա­մոզո­ւած են թէ Իս­թանպու­լի ընտրու­թիւննե­րը կորսնցնե­լով Էր­տո­ղան չի կրնար կան­խել յա­րատեւ նա­հան­ջի մը մեկնարկումը։