Յովհաննէս Թումանեանի ծննդեան 150-ամեակի միջոցառումներու շարքէն շահեկան նախաձեռնութիւն մը կը գործադրուի 15 Մայիս Չորեքշաբթի ժամը 13.00-ին Շիշլիի «Քենթ» մշակոյթի կեդրոնին մէջ, կազմակերպութեամբ «Փոքրիկ» մանկական կայքէջի։
«Մշոյ Հէքեաթներ» ընդհանուր խորագրին ներքեւ պիտի պատմուին Թումանեանական հէքեաթներ։ Այսպէս Թագուհի Թովմասեան Զաման՝ «Լուսեղէն՝ Ջուրերու թագաւորին աղջիկը», Սօսի Ճնտոյեան՝ «Մարգարտաշատ շապիկը», Պօղոս Չալկըճըօղլու՝ «Ի՞նչ կուգայ զոքանչէն կու գայ», Թալին Չորթան Կարիպկիւն՝ «Վո՜ւյ Նոնօ, ա՜խ Դոնօ» եւ Պերճուհի Պէրպէրեան՝ «Կախարդական գլխարկը» հեքեաթները պիտի ներկայացնեն։
Արի Հերկել եւ Լարա Նարին ստանձնած են Մշոյ հեքեաթներու երաժշտական բաժինը։
