ՎԱՐԴՈՒՀԻ ԲԱԼԵԱՆ
Ատրպէյճանի «Թուրան» լրատու գործակալութեան գլխաւոր խմբագիր Շահին Հաճըյեւ եւ խումբ մը լրագրողներ 1-5 Փետրուար թուականներու միջեւ Հայաստան այցելեցին։ Պատուիրակութիւնը նախքան այցելութեան իրականանալը դիմած էր երկու երկիրներու իշխանութիւններուն եւ արտօնութիւն ձեռք բերած։
Հաճըյեւ այս այցելութիւնը կը բացատրէ բախումներու շարունակուած երկրին մթնոլորտը հասկնալու հեռանկարով։ «Մենք մեր ուշադրութիւնը կեդրոնացուցինք երեք կէտերու վրայ, որոնք են 1915-ի դէպքերը, Հայ առաքելական եկեղեցւոյ քաղաքական դերակատարութիւնը եւ Ղարաբաղի հիմնախնդիրը»։
Պատուիրակութիւնը այս շրջանակի մէջ տեսակցած է զանազաններու հետ, որոնց կարգին կարելի է նշել Հայաստանի Եւրոպայի կուսակցութեան համանախագահ, շարժանկարի բեմադրիչ Տիգրան Խզմալեանը, քաղաքական գործիչ եւ Հայ ազգային քոնկրէսի համակարգող Լեւոն Զուրապեանը, Հայաստանի հանրապետութեան նախագահի խորհրդատու Թեւան Պօղոսեան։
Պատուիրակութեան Ցեղասպանութեան թանգարան կատարած այցելութիւնը բուռն հակազդեցութիւն յառաջացուց Ատրպէյճանի մէջ։
