ՕՔՍԱՆԱ ԿԱՐԱՊԵՏԵԱՆ
oksana.karapetian@gmail.com
Անգամ մը Քրիստոս դաշտով անցնելիս կ՚ըլլայ, երեք մարդու կը հանդիպի։ Առաջին մարդու համար նա քարերը հօտ կը դարձնէ, երկրորդի համար՝ դաշտը խաղողի այգու կը վերածէ, իսկ երրորդին բարի ու գեղեցիկ կին մը կու տայ։
Որոշ ժամանակ անց Քրիստոս կը մտածէ փորձել այդ մարդկանց։ Քրիստոս այցի կ՚երթայ նրանց։ Առաջին մարդը շատ անհիւրընկալ կը գտնուի, եւ Քրիստոս անոր պատժելու համար իր հոտի հետ քար կը դարձնէ։
Երկրորդը նոյնպէս հիւրընկալ չգտնուեցաւ Քրիստոսի հանդէպ, եւ Քրիստոս այդ մարդուն ալ կը պատժէ՝ խաղողի այգին անտառի վերածելով, մարդուն ալ՝ արջի։
Երրորդ մարդը, չնայած իր աղքատ ու ծանր պայմաններու, կնոջ հետ մեծ սիրով կ՚ընդունեն Քրիստոսին եւ կը պահեն կը պատուեն անոր, ինչի համար Քրիստոս յարութիւն կու տայ տանտիրոջ մեռած որդուն, իսկ մորթուած եզան ոսկորներէն եզանը կը կենդանացնէ, իսկ այն ջուրը, որմէ լուացել էին իր ձեռքերն ու ոտքերը, ոսկի կը դարձնէ։
***
Օր մը Յիսուս ծերունու կերպարանք կ՚ընդունի եւ աղքատ մարդու մը տանը հիւր ըլլալ կ՚ուզէ։ Սակայն խստասիրտ մարդը կը մերժէ ծերունուն։ Մինչդեռ նրա կինը ամուսնուց ծածուկ մսուրում տեղ կու տայ Քրիստոսին, քիչ մըն ալ հաց ու ջուր կու տայ։
Կէսգիշերն անց տանտէրը խիստ փորացաւ կ՚ունենայ եւ շատ կը տառապի։ Կինը օգնութիւն կը խնդրէ ծերունուց։ Քրիստոս ալ կ՚ըսէ թէ՝ «գնա՛, ազնիւ կին, ամուսինդ առողջ է»։
Կինը կ՚երթայ կը տեսնէ որ իր ամուսինն իսկապէս առողջացել է, կ՚իջնէ որ շնորհակալութիւն յայտնէ, բայց ծերունին անհետացել էր։ Մարդ ու կին այդ ժամ կը հասկնան որ իրենց հիւրը Քրիստոս եղած էր։
***
Քրիստոսը աղքատի կերպարանք կ՚ընդունի եւ կ՚երթայ տուն մը հիւրընկալութիւն խնդրելու։ Տանտիկինը կը մերժէ, բայց տանտէրը կ՚ըսէ որ ներս առնեն։ Մսուրը անկողինը կը ձգեն, ուտելու համար խոռ պնակով մը թթու թան, գարու հաց ու փոքրիկ գդալ մը կու տան։ Քրիստոսը կ՚ուտէ, կը պառկի։
Կէսգիշերին տան հարսը ծանր խոցտուկի մը կը բռնուի։ Ճարահատ կը դիմեն աղքատ մարդուն, որ իրականում Քրիստոսն էր։
Քրիստոս այս աղօթքը կ՚ըսէ եւ խոցտուկը կը դադրի.
Քրիստոս տէրս հուր էր,
Օթեւանքը մսուր էր,
Խոռ պնակիկ,
Կուճու գդալիկ,
Թունյի կտիկ,
Տուր (այսինչին) բժշկութիւն։
***
Քրիստոս աղքատիկ գիւղով անցնելիս կ՚ըլլայ։ Գիւղացիներէն մինը նրան իր տուն կը հրաւիրէ։ Մի պռատ խան (ցորեն չափելու կոտրուած աման) կը դնէ՝ վրան նստելու համար, թթու թան կու տայ եւ պոչիկ (պոչը կոտրուած) գդալ։ Քրիստոս կ՚ընդունի այդ սրտանց հիւրասիրութիւնը։
Գիշերը տանտիրոջ երեխան փորացաւ կ՚ունենայ եւ շատ կը տանջուի։ Քրիստոս սա տեսնելով այս աղօթքը կ՚ըսէ եւ կ՚աներեւութանայ, իսկ տղան կ՚ապաքինուի.
Ինքը սուրբ,
Տեղը մսուրք,
Թթու թան,
Պոչիկ գդալ,
Պռատ խան.
Ով սուրբ Աստուածածին,
Դու կտրես սրա սանճուն։
