Հրանդ Տինքի մահուան տարելիցին ձօնուած միջոցառումներու շարքէն երաժշտական ներկայացում մը կը կատարուի Պարթեւ Կարեանի մասնակցութեամբ, 19 Յունուար շաբաթ օր Պէյօղլու «Հանճը» անուն դահլիճին մէջ ժամը 21.30-ին։ Կարեան բեմ կ՚ելլայ սաքսաֆոնահար Սայաթ Տալտալի ընկերակցութեամբ եւ յատուկ մշակուած յայտագիրով կու գայ յարգանքի տուրք մատուցելու նահատակ մտաւորական Հրանդ Տինքի յիշատակին։
