Տուտուկահար Սուրէն Ասատրեան իր նուագարանով հայ աւանդական երաժշտութիւնը դէպի բարձունքներ տանող արուեստագէտ մըն է, որուն գործը Թուրքիոյ մէջ կը գնահատուի երաժշտասէր լայն զանգուածի մը կողմէ։ Արդարեւ Ասատրեանի նուագին դէմ այդ ուշադրութիւնը տեղի կու տայ նորանոր համագործակցութիւններու։ Համագործակցութիւններ՝ որոնցմէ իւրաքանչիւրը իր կարգին կը պարգեւէ նոր նուաճումներ։ Այս շրջանակով Ասատրեան կը պատրաստուի ամբողջովին նոր համերգի մը, որ կու գայ ճազային ոճով մեկնաբանելու հայկական աւանդական տուտուկի հնչիւնները միաձուլելու Պալգանեան եւ Միջին Արեւելեան եղանակներուն հետ։
Այս աշխատանքին մէջ Սուրէն Ասատրեանին կը միանայ ճազային ոճի դաշնակահար Ալի Փերեթ, քոնդրպասով Ափոստոլոս Սիտերիս եւ հարուածային գործիքներով ալ Պերքանդ Չաքըճը, Օղուզ Պիւյիւքպերպեր, Ճիանիս Փուլյոսէն բաղկացող երաժշտական խումբը։
Համերգը պիտի կայանայ «Պորուսան»ի դահլիճին մէջ 12 Յունուար շաբաթ, ժամը 21.00-ին։
