Ծնունդի տօնակատարութիւններ Թուրքիոյ մէջ

Քրիս­տո­նեայ եկե­ղեցին ջեր­մե­ռանդ կեր­պով կը տօ­նէ Յի­սու­սի հրա­շափառ ծնունդը։ Թուրքիոյ տա­րած­քին բազ­մա­թիւ եկե­ղեցի­ներու մէջ խուռնե­րամ բազ­մութիւննե­րու մաս­նակցու­թեամբ տօ­նուե­ցաւ Յի­սուս մա­նու­կի հրա­շափառ ծնունդը։ Ինչպէս նա­խորդ տա­րինե­րուն, այս տա­րի եւս մա­նաւանդ տա­կաւին քրիս­տո­նեայ բնակ­չութիւն ու­նե­ցող եկե­ղեցի­ներու մէջ շատ աւե­լի տպա­ւորիչ պատ­կերներ կը պար­զո­ւէին։ Ար­դա­րեւ Ան­տիոքի քրիս­տո­նեաներ այս տա­րի եւս մեծ ոգե­ւորու­թեամբ նշե­ցին ծննդեան տօ­նը։ Ան­տիոքի ուղղա­փառ հա­մայնքնե­րու պետ Ֆա­տի Հու­րի­կիլ յայտնեց, որ զա­նազան դա­ւանանքնե­րէ մեծ թի­ւով քրիս­տո­նեաներ մաս­նակցած են այս տա­րուայ տօ­նակա­տարու­թիւննե­րուն։ «Այս ու­րախ առ­թիւ կ՚աղօ­թենք հա­մաշ­խարհա­յին խա­ղաղու­թեան հա­մար։ Յի­սուս Քրիս­տո­սի ծնունդի առ­թիւ եկե­ղեցին ամ­բողջո­վին լե­ցուն է։ Ոչ միայն մեր քա­ղաքէն, այլ հե­ռաւոր քա­ղաք­նե­րէ ալ եկած մեծ թի­ւով հա­ւատա­ցեալ­նե­րու ըն­կե­րակ­ցութեամբ այս տօ­նական մթնո­լոր­տը ապ­րիլ շատ մեծ նշա­նակու­թիւն ու­նի մե­զի հա­մար»։

Ծննդեան տօ­նի առ­թիւ պա­տարագ մըն ալ մա­տու­ցո­ւած է Իզ­մի­րի Սել­չուք գա­ւառը Սուրբ Աս­տո­ւածած­նի մա­տու­րին մէջ։ Տօ­նական մեծ ոգե­ւորու­թիւն կը տի­րէր նաեւ Ամի­տայի մէջ, քա­նի որ հոն եւս մեծ թի­ւով ուխտա­ւոր­ներ հա­ւաքո­ւած էին ասո­րինե­րու Մա­րիամ Աս­տո­ւածա­ծին եկե­ղեց­ւոյ մէջ։ Քա­ղաքի պատ­մա­կան Սուրբ Կի­րակոս եկե­ղեց­ւոյ տա­րած­քը շրջա­փակո­ւած է ոս­տի­կանու­թեան կող­մէ, հե­տեւա­բար քա­ղաքի հայ բնակ­չութիւնն ալ այ­ցե­լեց ասո­րի եկե­ղեցին։

Պոլ­սոյ Յու­նաց «Զա­փիոն» երկրոր­դա­կան վար­ժա­րանի սա­ներն ալ այս տա­րի փո­ղոց ել­լե­լով Փե­րա թա­ղի վրայ կար­կանդակներ բաժնեցին անցնողներուն եւ պատմեցին Ս. Ծնունդի խորհուրդը։