Պէյօղլուի Սուրբ Երրորդութիւն եկեղեցւոյ մէջ կը շարունակուի Վաքըֆներու ընդհանուր տնօրէնութեան նշանակած քննիչի ստուգումները։
Ստացուած տեղեկութիւններու համաձայն ստուգումները սկսած են քանի մը ամիս առաջ տնօրէնութեան կատարուած բողոքէ մը ետք։ Նախապէս ալ այս եկեղեցւոյ կարգ մը անօրէնութիւնները խօսուած էին համայնքային շրջանակներու մէջ, բայց այդ բոլորը մնացած էին գաղտնապահութեան սկզբունքի մէջ եւ շատ անգամ բանբասանքի եղանակով լսուածները բացարձակապէս չէին քննարկուած պաշտօնական գետնի վրայ։
