Երգիչ Պարթեւ Կարեան ընդառաջելով իր համակիրներու բուռն փափաքին, որոշած է 40 ամեակի ձօնուած եւ մեծ յաջողութիւնով պսակուած համերգը կրկնել 15 Հոկտեմբեր երկուշաբթի, ժամը 21.00-ին Շիշլի Քենթ քիւլթիւ մերքեզիի սրահին մէջ։ Անուանի երգիչին փոխանցած տեղեկութեան համաձայն համերգը թէեւ կը ներկայանայ կրկնութեան մը իմաստով, բայց իրականութեան մէջ յայտագիրը արդէն կը կրէ կարեւոր փոփոխութիւններ։
Պարթեւ Կարեանի իւրաքանչիւր համերգը իրականութեան մէջ հայ երգի խնջոյքի մը բնոյթը կը կրէ եւ այս քաղաքի մէջ բնաւ նուազ չեն այդ խնջոյքի կարօտը ապրողները։
