Հրանդ Տինք վարժարանի 9-րդ դասարանի շրջանաւարտները անոնց ուղեկցող ուսուցչուհիներ՝ Մարգարիտ Աւագեանին ու Լուսինէ Յարութիւնեանի հետ միասին մեկնեցան Հայաստան, որտեղ աշակերտները մէկ ամիս կրթութիւնը շարունակեցին Երեւանի Հրանդ Տինքի անուան թիւ 44 հիմնական դպրոցի մէջ, այնուհետեւ յանձնեցին պետական աւարտական քննութիւնները եւ ստացան վկայականներ։
Հայաստանի Հրանդ Տինքի անուան թիւ 44 հիմնական դպրոցի աշակերտները ու մանկավարժները սիրով եւ գրկաբաց ընդունեցին Իսթանպուլէն հայրենիք ժամանած աշակերտներուն, որ համար խորին երախտագիտութիւնն կը յայտնենք անոնց եւ մասնաւորապէս դպրոցի տնօրէնուհի՝ Մարինէ Տօնօեանին։
Այս առիթով Հրանդ Տինք վարժարանի հիմնադիր տնօրէն Հերիքնազ Աւագեանը շնորհակալութիւն կը յայտնէ պոլսահայ համայնքին, Վերապատուելի Գրիգոր Աղապալօղլուին, Պոլսահայ Պատրիարքարանին, բոլոր հաստատութիւններուն, բարերարներուն եւ վարժարանի հոգաբարձուներուն՝ Հօրօզօղլու ընտանիքին ցուցաբերած աջակցութեան համար։
