Փայլան՝ «Ես հայաշխարհի ներկայացուցիչն եմ»

ՈՒՅԿԱՐ ԿԻՒԼԹԵՔԻՆ

Կանխահաս ընտրութիւններու ամիս մը ըն­դա­ռաջ յստա­կացան քա­ղաքա­կան կու­սակցու­թիւննե­րու թեկ­նա­ծու­նե­րու ցան­կե­րը։ 21 Մա­յիսի երե­կոյեան աւար­տե­ցաւ ցան­կե­րը յանձնե­լու ժամ­կէ­տը եւ յայտնի դար­ձաւ, որ Հան­րա­պետա­կան կու­սակցու­թիւնը այս ընտրու­թիւննե­րուն չա­ռաջար­կէր ոեւէ հայ թեկ­նա­ծու։ Նա­խորդ շրջա­նին իշ­խող Ար­դա­րու­թիւն եւ զար­գա­ցում կու­սակցու­թեան երես­փո­խան Մար­գար Էսաեան այս շրջա­նին դար­ձեալ թեկ­նա­ծու առա­ջար­կո­ւած է իր կու­սակցու­թեան կող­մէ։ Կա­րօ Փայ­լան այս նոր ընտրու­թիւննե­րուն Ժո­ղովուրդնե­րու ժո­ղովրդա­վարու­թեան կու­սակցու­թեան թեկ­նա­ծուն է Տի­յար­պէ­քիրէն։ Այս կու­սակցու­թեան շար­քե­րէն Լուտմի­լա Պիւ­յիւմ եւս թեկ­նա­ծու է Պոլ­սոյ երկրորդ ընտրա­տարած­քէն։ Նո­րակազմ «Լաւ» կու­սակցու­թիւնը եւս ու­նի հայ թեկ­նա­ծու յան­ձին Էլ­մաս Կի­րակոս։

Փոք­րա­մաս­նութեան թեկ­նա­ծու­նե­րու ամե­նաշատ տեղ գտած կու­սակցու­թիւնը եղաւ ՀՏՓ, ուր բա­ցի Կա­րօ Փայ­լան եւ Լուտմի­լա Պիւ­յիւմէ Մար­տի­նի շրջա­կայ­քէն խմբա­գիր Թու­մա Չե­լիք, որ­պէս ասո­րի, աֆ­րօ­թուրք Եալ­չըն Եանըք Զմիւռնիայէն եւ ԼԿՊԹԻ Հա­սան Աթիք Էտիր­նէէն թեկ­նա­ծու ներ­կա­յացան։ Կու­սակցու­թիւնը կրկին թեկ­նա­ծու կ՚առա­ջար­կէ այս շրջա­նին ալ երես­փո­խան ըլ­լա­լով գոր­ծող էզ­տի Ֆե­լեք­նազ Ու­ճան։

Կա­րօ Փայ­լան ու­րախ է կու­սակցու­թեան զինք Տի­յար­պէ­քիրէն թեկ­նա­ծու ներ­կա­յաց­նե­լու պատ­ճա­ռաւ։ «Պա­տիւ կը զգամ Տի­յար­պէ­քիրի թեկ­նա­ծու ներ­կա­յանա­լով։ Տի­յար­պէ­քիրի հետ բա­ւական եր­կար աշ­խա­տու­թիւն ու­նե­ցած եմ։ Յատ­կա­պէս Սուրբ Կի­րակո­սի նո­րոգու­թեան շրջա­նին։ Ես իմ կու­սակցու­թեան փոխ հա­մանա­խագահն եմ։ Հե­տեւա­բար բո­լոր հա­յերուն եւ ամ­բողջ Թուրքիոյ թեկ­նա­ծուն եմ։ Այդ իսկ պատ­ճա­ռաւ ալ ես զիս կը տես­նեմ որ­պէս աշ­խարհաս­փիւռ հա­յու­թեան ներ­կա­յացու­ցի­չը Թուրքիոյ խորհրդա­րանի մէջ։ Մենք ուխտած ենք Թուրքիոյ մէջ ար­դա­րու­թեան, խա­ղաղու­թեան եւ հա­ւասա­րու­թեան սկզբունքնե­րը կեան­քի կո­չել։ Նա­խորդ շրջա­նին այդ ուխտով աշ­խա­տած էի եւ այս շրջա­նին ալ կը խոս­տա­նամ նոյն ուղղու­թիւնով գոր­ծել»։

Սե­լինա Տո­ղան մեկ­նա­բանե­լով Հան­րա­պետա­կան կու­սակցու­թեան ցան­կե­րուն մէջ տեղ չու­նե­նալը, երե­ւոյ­թը բա­ցատ­րեց կու­սակցու­թիւննե­րուն նա­խորդ շրջա­նի զգու­շա­ցումնե­րէն հե­ռանա­լով։ «Նոյ­նիսկ ես չըլ­լամ կը յու­սա­յի, որ կու­սակցու­թիւնը հայ թեկ­նա­ծու մը կ՚առա­ջար­կէ։ Ըստ իս ցան­կե­րը սխալ պատ­րաստո­ւեցան, գո­նէ զա­նազա­նու­թեան եւ կի­ներու ներ­կա­յաց­ման առու­մով»։