Փաշինեանի վարչապետութեամբ Հայաստանի նոր շրջանը

ԱԼԻՆ ՕԶԻՆԵԱՆ

Հան­րա­պետա­կան կու­սակցու­թեան յա­րու­ցած ար­գելքին վե­րանա­լով Նի­կոլ Փա­շինեան 8 Մա­յիսին կա­տարուած խորհրդա­րանի ընտրու­թիւնով Հա­յաս­տա­նի նոր վար­չա­պետ հռչա­կուե­ցաւ։ Փա­շինեան ստա­ցաւ 59 ձայ­ներ եւ 42 պատ­գա­մաւոր­ներ ալ դէմ քուէար­կե­ցին։ ՀՅԴ ամ­բողջո­վին զօ­րակ­ցե­ցաւ Փա­շինեանին։ Փա­շինեանին զօ­րակ­ցող Հան­րա­պետա­կան կու­սակցու­թեան երեք պատ­գա­մաւոր­նե­րը ազ­գա­յին փոք­րա­մաս­նութիւննե­րու ներ­կա­յացու­ցիչներն էին, չոր­սը մեծ գոր­ծա­տէրեր եւ մնա­ցեալ­ներն ալ նախ­կին զի­նուոր­ներ։ Երբ Նի­կոլ Փա­շինեան ելոյթ կ՚ու­նե­նար ԱԺ դահլիճին մէջ, անդին Հան­րա­պետու­թեան հրա­պարա­կի վրայ բազ­մա­հազար­ներ կը հե­տեւէին իր ելոյ­թին։ Նոր վար­չա­պետը խոս­տա­ցաւ քաղ­բա­տար­կեալ­նե­րու շու­տա­փոյթ ազա­տագ­րումը եւ նա­խորդ կա­ռավա­րու­թիւննե­րու շրջա­նին գոր­ծուած սխալ­նե­րուն ամե­նակարճ ժա­մանա­կին սրբագ­րութիւ­նը։ Խոս­տա­ցաւ առեւ­տուրի ոլոր­տին մէջ հար­կե­րու նոր բա­րեփո­խումներ եւ հա­մալ­սա­րան­նե­րու լիիրաւ ինքնա­վարու­թիւն։ Փա­շինեան յայ­տա­րարու­թիւններ ըրաւ նաեւ Ղա­րաբա­ղի հա­կամար­տութեան լուծման նիւ­թի շուրջ եւ յայ­տա­րարեց, թէ պի­տի պա­հէ ԵԱՀԿ-եան խմբա­կի հետ հա­մագոր­ծակցու­թիւնը եւ պատ­րաստ է Ատրպէյ­ճա­նի հետ նոր բա­նակ­ցութիւննե­րու։ Ան նաեւ յայտնեց սփիւռքա­հայու­թեան հետ հա­մագոր­ծակցու­թեան մա­սին իր պատ­րաստա­կամու­թիւնը։

Միւս կող­մէ մի­ջազ­գա­յին գետ­նի վրայ բազ­մա­թիւ շնոր­հա­ւորա­կան ու­ղերձներ կը հաս­նին Բաղ­րա­մեան փո­ղոց, ուր կը տի­րէ նոր ճա­նապար­հի մեկ­նարկման շատ բարձր տրամադրութիւնը։