«Իսթոս»ի մէջ Սերովբեանական յուշեր

«Ակօս»ի հայերէն էջեծրու երկարամեայ խմբագիր Սարգիս Սերովբեան իր մահուան Գ. տարելիցի նախօրեակին կը յիշատակուի «Իսթոս» գրատան մէջ։ 24 Մարտ շա­բաթ ժա­մը 16.30-ին «Ակօս»ի նախ­կին աշ­խա­տակից­նե­րէն Գա­րին Գա­րագաշ­լը յու­շեր պի­տի փո­խան­ցէ Սե­րով­բեանի հետ ու­նե­ցած ապ­րումնե­րէն։

Սար­գիս Սե­րով­բեան «Ակօս»ի հիմ­նադրու­թեան օրե­րէն սկսեալ ստանձնած էր հա­յերէն էջե­րու խմբագ­րի պաշ­տօ­նը։ Թեր­թը՝ որ կարճ ժա­մանա­կի ըն­թացքին վե­րածուած էր ամ­բողջ հայաշ­խարհի կա­րեւո­րագոյն լրա­տու գոր­ծա­կալու­թիւննե­րէն մէ­կը ըլ­լա­լու հան­գա­ման­քին, հա­յերէն էջե­րու մի­ջոցաւ ալ կը հաս­նէր աշ­խարհաս­փիւռ հա­յերու ու­շադրութեան։ Ահա այդ գետ­նի վրայ խիստ կա­րեւոր էր Սե­րով­բեանի ներդրու­մը եւ ինք յա­ջողե­ցաւ այդ ծանր պար­տա­կանու­թիւնը լա­ւագոյն կեր­պով գոր­ծադրե­լու։ Սա­կայն պայ­մաննե­րը միշտ աւե­լին կը պա­հան­ջէին իր­մէ եւ ան ալ պատ­րաստ էր այդ պա­հան­ջուածը գո­հաց­նե­լու։ Յատ­կա­պէս հան­րա­պետու­թեան շրջա­նին Պոլ­սոյ հա­յու­թիւնը միայն ու միայն սա­կաւա­թիւ նուիրեալ­նե­րու մի­ջոցաւ կապ պա­հեց պատ­մա­կան Հա­յաս­տա­նի զա­նազան քա­ղաք­նե­րու մէջ իրենց գո­յու­թիւնը շա­րու­նա­կող հա­յոց հետ։ Այդ սա­կաւա­թիւե­րու շար­քէն է Շնորհք պատ­րիարք Գա­լուստեան, որ ամէն ջանք կը վատ­նէր ժո­ղովուրդի այդ բե­կոր­նե­րուն ան­տէ­րու­թեան մէջ կո­րուստը կան­խե­լու հա­մար։ Շնորհք Պատ­րիար­քի այդ ներդրու­մին մէջ իր կա­րեւոր դե­րակա­տարու­թիւնը ու­նե­ցաւ Սար­գիս Սե­րով­բեան միշտ կապ պա­հելով գա­ւառի հա­յու­թեան հետ։ Այդ կա­պը զինք մղեց նաեւ հայ­րե­նի եր­կի­րը ճանչնա­լու ցան­կութեան եւ ան այսպէ­սով յայտնուեցաւ նաեւ դէ­պի Արեւմտեան Հա­յաս­տան կա­տարուած ճամ­բորդու­թիւննե­րու լա­ւագոյն ու­ղե­ցոյ­ցի դիր­քին մէջ։ Բա­րեբախ­տութիւն էր իր հետ շրջիլ Արեւմտեան Հա­յաս­տա­նը, քա­նի որ գի­տելիք­նե­րու անսպառ պա­շարէն բա­ժին կ՚ու­նե­նար շռայ­լօ­րէն բաշ­խե­լու բո­լոր հե­տաքրքիր­նե­րուն։ Այս առու­մով ան­մո­ռանա­լի է դէ­պի Արեւմտեան Հա­յաս­տան իր հետ կա­տարուած շրջա­գայու­թիւննե­րը։

Այս բո­լորին հի­ման վրայ առանց վա­րանու­մի կրնանք կան­խա­գու­շա­կել թէ որ­քան հե­տաքրքիր պի­տի ըլ­լայ Գա­րին Գա­րագաշլըի զրոյցը ձօնուած Սերովբեանի յիշատակին։