Համատարած բողոք Թուրքիոյ դէմ

Թուրքիոյ բանա­կին աւե­լի քան 20 օրե­րէ ի վեր Սու­րիոյ Հիւ­սի­սային հա­տուա­ծի քրտաբ­նակ Աֆ­րին գա­ւառի դէմ գոր­ծադրած զի­նեալ յար­ձա­կու­մը հետզհե­տէ կը ստեղ­ծէ հա­մաշ­խարհա­յին ընդվզում մը։ Սկսե­լով Եւ­րո­պայէն դէ­պի Մի­ջին Արե­ւել­քի եր­կիրներ, Հիւ­սի­սային եւ Հա­րաւա­յին Ամե­րիկա ծա­ւալող սոյն ընդվզու­մի ալի­քը մա­նաւանդ ալ իրեն թի­րախ կ՚ընտրէ հան­րա­պետու­թեան նա­խագահ Ռե­ճեփ Թայ­յիպ Էր­տո­ղանը։

Վեր­ջերս այս ընդվզու­մի ալի­քին մաս կը կազ­մէ նաեւ Ամե­րիկա­յի Հայ Դա­տի Յանձնա­խումբը, «Թուիթըր»ային պատ­գա­մով մը։ Յանձնա­խումբը կոչ կ՚ընէ Թուրքիոյ օդա­յին գի­ծերու ըն­կե­րու­թիւնը պոյ­քո­թելու հա­մար։

Այս մա­սին գրուած է հե­տեւեալը. «Օգ­տա­գոր­ծե­ցէ՛ք թրքա­կան օդա­նաւե­րը, եթէ կը փա­փաքիք հարստաց­նել անոնց գլխա­ւոր բաժ­նե­տէրը՝ լրագ­րողներ ձեր­բա­կալող, այ­լա­խոհ­ներ ոչնչաց­նող, Կիպ­րո­սը գրա­ւող, քրիս­տո­նեանե­րը ճնշող, քիւրտե­րը սպան­նող եւ հա­յերու, յոյ­նե­րու, ասո­րինե­րու ցե­ղաս­պա­նու­թիւնը հեր­քող Էր­տո­ղանի վար­չա­ձեւը»։