Ճիշդ է, վերեւի նկարի մէջ յայտնուող բազմութիւնը եւ անոր նման բազմութիւններ երկրի տարբեր քաղաքներու մէջ մէկտեղուած են «Ակօս»ի հիմնադիր Հրանդ Տինքի մահուան տարելիցը սգալու։ Բայց սա լոկ սգահանդէս մը չէ, այլ յանուն արդարութեան պայքարելու վճռակամութիւն։ Հրանդ Տինք այլեւս անարդարութեան հասարակ զոհ մը չէ, այլ անարդարութեան դէմ պայքարի, դիմադրութեան դրօշը, ջահը, փարոսը։ Փարոս՝ որ կը լուսաւորէ Թուրքիոյ մէջ գործուած ու ապա խաւարի թողուած բազում ոճիրները, մեղքերը, յանցանքները։
ՊԵՐՃ ԱՐԱՊԵԱՆ
