Յունուարը իբրեւ լրագրողներու հունձք

Թուրքիոյ ամե­նակնճռոտ աս­պա­րէզ­նե­րու կար­գին կը թուի լրագ­րո­ղու­թիւնը։ Երկրի պատ­մութիւ­նը կ՚ար­ձա­նագ­րէ լրագ­րողնե­րու ուղղեալ ան­հա­մար մա­հափոր­ձեր։ Յու­նուար ամ­սուայ մէջ յի­շեցինք Հրանդ Տին­քը իր մա­հուան 11 ամեակին առ­թիւ։ Հրան­դի տա­րելի­ցէն 11 օր առաջ կը յի­շենք երի­տասարդ լրագ­րող Մե­թին Կէօք­թե­փեն։ Հա­զիւ հինգ օր անց այս ան­գամ ալ կը յի­շատա­կուի մի ու­րիշ այ­լա­խոհ լրագ­րող՝ Ու­ղուր Մումճու։

Թուրքիոյ մէջ հե­տազօ­տող լրագ­րութեան աւան­դը սկսած էր իր­մով։ Ան բա­ցառիկ յա­ջողու­թեամբ եւ յա­րատեւ յա­մառու­թեամբ կը հե­տեւէր դէպ­քե­րուն եւ կը բա­ցայայ­տէր առա­ջին հեր­թին աննկատ մնա­ցած բազ­մա­թիւ կա­ռոյցներ։ Իր այդ ու­սումնա­սիրու­թիւննե­րը կը կազ­մէին գիր­քե­րու բո­վան­դա­կու­թիւն նաեւ։ Ան նշա­նաւոր դար­ձած էր 12 Մար­տի զի­նուո­րական մի­ջամ­տութեան շրջա­նին զու­գա­դիպող իր ծա­ռայու­թեան օրե­րուն յու­շագրու­թիւնով՝ «Ան­պա­տեհ Յետ­նորդը»։ Այդ գոր­ծը աւե­լի ետք բե­մադ­րուեցաւ եւ վա­յելեց մեծ ժո­ղովրդա­կանու­թիւն։ Ու­սումնա­սիրած էր զէն­քի եւ թմրե­ցու­ցիչ նիւ­թե­րու փախստա­կանու­թեան ցան­ցե­րը եւ այդ ցան­ցե­րուն քա­ղաքա­կան լա­րուա­ծու­թե­նէ օգ­տուելով իրենց շու­կան ընդլայ­նե­լու ման­րա­մաս­նութիւննե­րը։ Նոյնպէս պրպտած էր իս­լա­մական աղանդնե­րու երկրի վար­չա­կան հա­մակար­գին մէջ ար­մատներ թո­ղելու եղա­նակ­նե­րը։ Այս բո­լորը ար­դէն բա­ւական էին, որ Ու­ղուր Մումճու թի­րախը դառ­նայ այդ նոյն յան­ցա­գործ շրջա­նակ­նե­րուն։

Մումճու սպա­նու­թեան 25 ամեակին առ­թիւ յի­շատա­կուե­ցաւ Թուրքիոյ լրագ­րողնե­րու միու­թեան կազ­մա­կեր­պած յա­տուկ մի­ջոցա­ռու­մով մը։