Չեքիճեան Հայաստանի ազգային հերոս

Հայ ժողովրդական երաժշտութեան, գեղ­ջուկ եր­գե­րու դա­սակա­նաց­ման գոր­ծին մէջ շատ կա­րեւոր աւանդ մը ու­նե­ցած է պոլ­սա­հայ երա­ժիշտ Յով­հաննէս Չե­քիճեանը։ Ան­շուշտ հարկ է նշել թէ Չե­քիճեանի հայ երաժշտա­կան բնա­գաւա­ռի մէջ ար­ձա­նագ­րած այս մեծ աւան­դի ետին պար­տինք տես­նել եր­ջանկա­յիշա­տակ Վազ­գէն Ա. Կա­թողի­կոսի կան­խա­տեսու­մը։ Ար­դա­րեւ մայէսթրօ Չե­քիճեանի դէ­պի Հա­յաս­տան տա­նող երաժշտա­կան ոդի­սակա­նը սկիզբ կ՚առ­նէ կա­թողի­կոսին Գա­րեգին Պատ­րիարք Խա­չատու­րեանի թաղ­ման արա­րողու­թեան ներ­կայ գտնուելու հա­մար Պո­լիս կա­տարած այ­ցե­լու­թիւնով։ Ար­դա­րեւ Վազ­գէն Կա­թողի­կոս առա­ջար­կեց իր հետ գալ դէ­պի Հա­յաս­տան եւ ստանձնել բազ­մա­ձայն երգչա­խումբի խմբա­վարու­թիւնը։ Ահա ճա­կատագ­րա­կան իրա­դար­ձութիւն մը, թէ Յով­հաննէս Չե­քիճեանի կեն­սագրու­թեան եւ թէ հայ եր­գա­րուես­տի զար­գացման անու­նով։ Ար­դա­րեւ անուանի մայէսթրօն ապար­դիւն չթո­ղուց իր վրայ դրուած յոյ­սե­րը եւ յա­ջողե­ցաւ մին­չեւ օրս բարձր պա­հել իր երգչա­խումբի փառքն ու պա­տիւը հա­մաշ­խարհա­յին երաժշտա­կան աշ­խարհին մէջ։ Այ­սօր Հա­յաս­տա­նի պե­տական աքա­բել­լա երգչա­խումբը կը վա­յելէ աշ­խարհի լա­ւագոյն եր­գե­ցիք խումբը հա­մարե­լու բա­ցառիկ շնոր­հը։ Մայէսթրո­յի այս ներդրու­մը գնա­հատուած է նաեւ Հա­յաս­տա­նի պե­տական իշ­խա­նու­թիւննե­րու կող­մէ եւ նա­խագահ Սերժ Սարգսեանի հրա­մանագ­րով իրեն շնոր­հուած է «Հա­յաս­տա­նի ազ­գա­յին հե­րոս» բարձրա­գոյն կո­չու­մը։ Այս առ­թիւ հրա­պարա­կուած նա­խագա­հական հրա­մանագ­րին մէջ նշուած է հե­տեւեալը՝ «Հա­յաս­տա­նը աշ­խարհին ներ­կա­յաց­նե­լու ազ­գա­նուէր գոր­ծում դրսե­ւորած անմնա­ցորդ նուիրու­մի, մշա­կոյ­թի բնա­գաւա­ռում ներդրած անձնա­կան մեծ աւան­դի, ինչպէս նաեւ հայ ժո­ղովուրդին մա­տու­ցած բա­ցառիկ ծա­ռայու­թիւննե­րուն հա­մար ժո­ղովրդա­կան ար­տիստ Յով­հաննէս Յա­րու­թիւնի Չե­քիճեանի շնոր­հուել է –Հա­յաս­տա­նի ազ­գա­յին հե­րոս- բարձրա­գոյն կո­չում՝ յանձնե­լով Հայրենիքի շքանշան»։