Տատեանցիներ այցելեցին խորհրդարան

Տատեան վար­ժա­րանի ու­թե­րորդ դա­սարա­նի աշա­կերտնե­րը, առաջ­նորդու­թեամբ տնօ­րէնու­հի Ալիս Պայ­րա­մի, միջ­նա­կար­գի պա­տաս­խա­նատու Երա­նու­հի Պալ­ճըի եւ նա­խակրթու­թեան բաժ­նի պա­տաս­խա­նատու Անիլ­տա Մե­նեք­շէի, պտոյտ մը կա­տարեցին դէ­պի մայ­րա­քաղաք Ան­գա­րա, ուր իրենց այ­ցե­լու­թեան կա­րեւո­րագոյն վայրն էր խորհրդա­րանը։

Աւե­լի քան 40 հո­գիէ բաղ­կա­ցած տա­տեան­ցի­ներու խումբը չո­րեք­շաբթի առա­ւօտեան հա­սաւ մայ­րա­քաղաք եւ նա­խաճա­շեց Կա­րապի լի­ճի մօ­տակայ­քին։ Ապա անոնք ան­ցան խորհրդա­րան, որու մուտքին զի­րենք դի­մաւո­րելու փու­թա­ցած էին հա­սարա­կու­թեան հետ յա­րաբե­րու­թիւննե­րու պա­տաս­խա­նատու­նե­րը։ Աշա­կերտնե­րը մէկ առ մէկ շրջե­ցան խորհրդա­րանի բո­լոր բա­ժին­նե­րը եւ ծա­նօթա­ցան կա­ռոյ­ցի գոր­ծունէու­թեան։ Տա­տեան­ցի­ներու պա­տուի­րակու­թիւնը այ­ցե­լեց նաեւ հայ պատ­գա­մաւոր­նե­րուն՝ ՀՏՓ-ի պատ­գա­մաւոր Կա­րօ Փայ­լա­նին, ՃՀՓ-ի պատ­գա­մաւոր Սե­լինա Տո­ղանին եւ ԱՔՓ-ի պատ­գա­մաւոր Մար­գար Եսա­յեանին։ Պա­տանի­ները այսպէ­սով առիթ ու­նե­ցան զրու­ցե­լու անոնց հետ եւ տա­լու զա­նազան հար­ցումներ զի­րենք հե­տաքրքրող տար­բեր նիւ­թե­րու շուրջ։ Մտեր­միկ ու ջերմ մթնո­լորտ մը կը տի­րէր այս տե­սակ­ցութիւննե­րու ըն­թացքին. աշա­կերտնե­րը ան­ձամբ պատ­գա­մաւոր­նե­րէն տե­ղեկա­ցան անոնց կեն­սագրու­թեան, ման­կութեան, առօ­րեային ու դէ­պի խորհրդա­րան եր­կա­րող ճա­նապար­հին մա­սին։ Աշա­կերտնե­րը ապա ճա­շեցին խորհրդա­րանի ճա­շարա­նին մէջ ու ապա հրա­ժեշտ առին հոն­կէ։

Տղա­քը խորհրդա­րանէն վերջ այ­ցե­լեցին նաեւ Աթա­թիւրքի յու­շա­դամ­բա­նը. վայր մը, զոր անոնք միշտ կը տես­նէին հե­ռատե­սիլի պաս­տա­ռին վրայ։ Աթա­թիւրքի բա­րոյա­կան ներ­կա­յու­թեան առ­ջեւ յար­գանքի լռու­թիւն պա­հելէ ետք տա­տեան­ցի­ները շրջե­ցան տեղ­ւոյն թան­գա­րանը։

Հա­ճելի ու ար­դիւնա­ւէտ այս պտոյտէն ետք տղաքը գիշերուան ուշ ժամերուն վերադարձան քաղաքս։