Բարիներու երեկոն

Ինչպէս նա­խորդ ինը տա­րինե­րուն, այս տա­րի ալ 15 Սեպ­տեմբե­րին Հրանդ Տին­քի տա­րեդար­ձի օրը կա­տարուեցաւ Հրանդ Տինք Հիմ­նարկի կազ­մա­կեր­պած մրցա­նակա­բաշ­խութիւ­նը։ Հիմ­նարկի նա­խաձեռ­նութեամբ հաս­տա­տուած մրցա­նակը ամէն տա­րի կը շնոր­հուի մար­դու իրա­ւունքնե­րու պաշտպա­նու­թեան ոլոր­տի մէջ կա­րեւոր աւանդ ու­նե­ցող ան­ձե­րուն կամ հաս­տա­տու­թիւննե­րուն։

Լիւթ­ֆիւ Քըր­տար Հա­մագու­մարնե­րու Կեդ­րո­նին մէջ կա­յացած մրցա­նակա­բաշ­խութեան երաժշտա­կան բաժ­նին իրենց կա­տարումնե­րով փայլ տուին Այ­շէ­նուր Քո­լիվար, Պրէն­նա Մեք Քրմմըն եւ Մու­ամմէր Քե­թեն­ճօղ­լու։ Քե­թեն­ճօղ­լուին կ՚ըն­կե­րակ­ցէին Սա­յաթ Նո­վա, Հե­լեսա, Տա­լէփէ Նե­նա երգչա­խումբե­րու իգա­կան կազ­մէն ան­դամներ։

Դար­ձեալ այս մի­ջոցառ­ման ու­շագրաւ աւան­դոյթնե­րէն է «Լոյ­սեր» անուն բա­ժինը, ուր կը ներ­կա­յացուին մրցա­նակի հա­մար թեկ­նա­ծու առա­ջար­կուած, բայց դա­տակազ­մի որո­շու­մով մրցա­նակ չստա­ցած թեկ­նա­ծու­նե­րը։ Նշենք որ ամէն տա­րի զա­նազան­նե­րու կող­մէ կ՚առա­ջար­կուի անուններ, որոնք կը յանձնուի մի­ջազ­գա­յին դա­տակա­զմի գնա­հատ­ման։

Այս տա­րի մի­ջազ­գա­յին դա­տակազ­մը, որ կը բաղ­կա­նայ հա­մաշ­խարհա­յին ճա­նաչում գտած մտա­ւորա­կան­նե­րէ, մրցա­նակի ար­ժա­նի գտաւ աշ­խարհահռչակ արուես­տա­գէտ չի­նացի Այ Ուէ­յիուէ­յը, մա­նաւանդ գաղ­թա­կան­նե­րու աջակ­ցե­լու մի­ջոցաւ իր կա­տարած մար­դա­սիրա­կան աշ­խա­տանքնե­րուն հե­տեւան­քով։

Մի­ջազ­գա­յին գետ­նի վրայ շնոր­հուած այս մրցա­նակէն ետք երկրորդ մրցա­նակ մըն ալ տրուեցաւ իրա­ւապաշտպան եւ մար­դու իրա­ւունքնե­րու ան­խոնջ ջա­տագով Էրեն Քես­քի­նի։

Էրեն Քես­քին մրցա­նակը ստա­նալէն ետք իր խօս­քը ուղղեց հե­տեւեալ կեր­պով. «Կը հա­ւատամ թէ մեր ապ­րած աշ­խարհագ­րա­կան հա­տուա­ծի մէջ ժո­ղովրդա­վարու­թիւնը հաս­տա­տելու առա­ջին պայ­մանն է 1915-ի ցե­ղաս­պա­նու­թեան հետ առե­րեսու­մը։ Իրո­ղու­թեան ճա­նաչու­մը եւ հա­տու­ցումը այս տա­րած­քի ժո­ղովուրդնե­րուն, թէ ազա­տու­թիւն պի­տի պար­գե­ւէ եւ թէ իրա­րու մեր­ձեցման առիթ պի­տի ստեղ­ծէ։

Նման վա­խի հա­ւաքա­կանու­թեան մէջ պե­տու­թեան ան­տե­սած­նե­րը ար­տա­սանե­լը դժուար է։ Լրագ­րողնե­րը, մար­դու իրա­ւունքնե­րու պաշտպան­նե­րը բան­տարկուած են։ Իմ դէմ յա­րու­ցուած 143 դա­տական մե­ղադ­րանքներ կը քննար­կուին։ Ու­րեմն ամէն վայրկեան զիս ալ կրնան բան­տարկել։ Հրանդ Տին­քի խօս­քե­րով եթէ ըսեմ –բո­լորս աղաւ­նիի մը մտա­վախու­թիւնով կ՚ապ­րինք-։ Սա­կայն այդ մտա­վախու­թիւնը ար­գելք չէ որ մեր հա­ւատա­ցած­նե­րը արիաբար խօ­սինք ճիշդ Հրանդ Տին­քի նման։ Մե­զի ժա­ռան­գած սի­րոյ ու արիու­թեան հա­մար շնոր­հա­կալու­թիւն Հրանդ Տինք»։

Չի­նացի արուես­տա­գէտ Այ Ուէ­յիուէյ կարճ շնոր­հա­կալու­թեան ու­ղերձ մը ար­տա­սանեց, ուր ըսաւ թէ պա­տիւ կը զգայ այս մրցա­նակին ար­ժա­նանա­լու պատ­ճա­ռաւ։ «Երբ մար­դու իրա­ւունքները ոտնակոխուին բոլորս կը վիրաւորուինք։ Այդ պատճառաւ ալ ամէն տեղ եւ ընդմիշտ ստիպուած ենք մարդու իրաւունքները պաշտպանելու»։