Ռաքքայի մէջ երկու հայ ընտանիք ազատագրուած

Ներքին ալեկոծումը համաշխարհային օրակարգի վրայ իր տարբեր երեսակներով տեղ կը գտնէ։ Եթէ արեւմտեան եր­կիրնե­րու հա­մար խնդրի էական երե­սակը դէ­պի Եւ­րո­պա Խու­ժող գաղ­թա­կան­ներն են, Թուրքիոյ նման մահ­մե­տական եր­կիրնե­րու հա­մար աւե­լի էական կը դառ­նայ իս­լա­մական միջ­դա­ւանան­քա­յին բա­խումնե­րը։ Տա­կաւին կայ Անգլիոյ կամ Ֆրան­սա­յի նման եր­կիրնե­րէ ներս Սու­րիական խռո­վու­թիւննե­րուն ծո­ցէն բխած «Իս­լամ Պե­տու­թիւն»ի ահա­բեկ­չա­կան յար­ձա­կումնե­րը։ Աշ­խարհաս­փիւռ հա­յու­թեան հա­մար խնդրի էական երե­սակը Հա­լէպի հայ գա­ղու­թի քայ­քա­յումն է։ Հա­լէպ մնա­լով Մի­ջին Արե­ւել­քի ամե­նաբազ­մանդամ քա­ղաք­նե­րէն մին ան­շուշտ որ ու­շադրու­թեան առա­ջին գծին վրայ պի­տի գտնուէր։ Սա­կայն չենք կրնար ան­տե­սել տա­րածաշրջա­նի այլ կեդ­րոննե­րը, որոնք իբ­րեւ հայ­կա­կան սփիւռքի կա­րեւոր կեդ­րոններ հա­մար­ժէք են իրենց պատ­մութիւ­նով կամ գո­յանա­լու ոդի­սակա­նով։ Խոս­տո­վանինք որ բա­ցի Հա­լէպէ այդ տա­րածաշրջա­նի մէջ ու­նե­ցած ենք բազ­մա­թիւ քա­ղաք­ներ, որոնք ան­ցեալին ու­նե­ցած էին բա­ւական կեն­սունակ հայ­կա­կան գա­ղոյթներ։ Սար­սա­փազ­դու պա­տերազ­մը ահա այս քա­ղաք­նե­րու բնա­կիչ հա­յերն ալ դրաւ ծանր փոր­ձի մը տակ եւ բազ­մա­թիւ հա­յեր կամ մատ­նուեցան շատ լուրջ հա­լածանքնե­րու կամ ալ կրկին ան­գամ վեր­ցուցին գաղ­թա­կանի ցու­պը եւ ին­կան օտար ափեր։

Ահա­ւասիկ այս օրե­րուն կը հաս­նի ու­րախ զար­գա­ցու­մի մը ար­ձա­գան­գը, որ սա­կայն ընդհա­նուր հա­մայ­նա­պատ­կե­րին մէջ հե­ռու է մխի­թարու­թիւն պար­գե­ւելէ։ Վեր­ջա­պէս Սու­րիոյ ժո­ղովրդա­վարա­կան ու­ժե­րը յա­ջողած են ազա­տագ­րել Ռաք­քա քա­ղաքի բնա­կիչ խումբ մը հա­յեր, որոնք այս քա­ղաքի ՏԱԻՇ-ի կող­մէ գրա­ւուած օրե­րէն այս կողմ կ՚ապ­րէին շատ վտան­գա­ւոր պայ­մաննե­րու տակ։

Ըրա­քի եւ Սու­րիոյ ան­մի­ջական բա­խումնե­րու ար­ձա­նագ­րուած կեդ­րոննե­րէն լու­րեր հա­ղոր­դող «Ara News» լրա­տուա­կան կեդ­րո­նը կ՚աւե­տէ խումբ մը հայ ու ասո­րի ըն­տա­նիք­նե­րու փրկու­թիւնը։ Լրա­տու աղ­բիւրը այս մա­սին իր կա­տարած լրա­տուու­թիւնը կը հիմ­նա­ւորէ ասո­րինե­րու բա­նակա­յին խոր­հուրդի փո­խան­ցումնե­րուն վրայ։ Սու­րիոյ հիւ­սի­սային քրտաբ­նակ հա­տուա­ծին մէջ աշ­խա­տող ան­կախ լրագ­րող Մե­սուտ Մու­համմէտ ըն­կե­րային ցան­ցե­րէն հա­ղոր­դեց նաեւ փրկուած հայ ըն­տա­նիք­նե­րուն լու­սանկար­նե­րը։ Ազա­տագ­րուած հա­յու­հի Սաուս Կա­րապե­տեան կ՚ըսէ թէ Իս­լամ Պե­տու­թեան շար­քա­յին­նե­րը իրենց կը պար­տադրէին լա­չակով ծած­կուիլ եւ իս­լամնե­րէն տար­բե­րուե­լու հա­մար ալ դէմ­քը բաց պա­հել։ Ազա­տագ­րուած ու­րիշ հա­յու­հի մը Գա­րաճեան կը յայտնէ թէ յա­րատեւ անար­գանքնե­րուն են­թարկուած էին եւ մեծ տուրքեր վճա­րելու հար­կադրուած։ Իս­լամ Պե­տու­թեան Ռաք­քան գրա­ւելէ ետք տեղ­ւոյն քրիս­տո­նեանե­րու կա­րեւոր մէկ մա­սը ապաս­տա­նած էին ՓԵՏ-ի հսկո­ղու­թեան ներ­քեւ գտնուող Հասեքէ քա­ղաքը։