Երեւան հարստացաւ Ազնաւուրի անուան տուն-թանգարանով

Հայ ժո­ղովուրդի առաս­պե­լական երգիչ Շառլ Ազ­նա­վու­րի անուան Երե­ւանեան տուն-թանգարանը բացուեցաւ 1 Յու­նի­սին։ Սերժ Սարգսեանի ներ­կա­յու­թեամբ կա­տարուած արա­րողու­թեան ներ­կայ գտնուեցաւ նաեւ Մշա­կոյ­թի նա­խարար Ար­մէն Ամի­րեան։ Իսկ անուանի եր­գի­չը իր կող­քին ու­նէր որ­դին Նի­քոլա­սը։

Նա­խագահ Սարգսեան այս առ­թիւ ար­տա­յայ­տուեցաւ Ազ­նա­վու­րի հայ-ֆրան­սա­կան յա­րաբե­րու­թիւննե­րու զար­գացման գոր­ծին բե­րած մեծ նպաս­տին։ «Ֆրան­սա­յի վեր­ջին երեք նա­խագահ­նե­րու դէ­պի Հա­յաս­տան կա­տարած այ­ցե­լու­թիւնը այս մա­սին փաստ մըն է ար­դէն»։

Ազ­նա­վուր ալ իր կար­գին շնոր­հա­կալու­թիւն յայտնեց Հա­յաս­տա­նի այս առա­տաձեռն նուիրա­տուու­թեան հա­մար։ «Ես ան­ձամբ ակա­նատես եղած եմ Հա­յաս­տա­նի մէջ կրթութեան, պատ­մութեան եւ մշա­կու­թա­յին ծրա­գիր­նե­րու որ­քան բարձր մա­կար­դա­կով գոր­ծադրուելուն։ Այդ փոր­ձը զիս կը խրա­խու­սէ նման բնոյ­թով նոր ձեռ­նարկնե­րու մա­սին։ Կը կա­րեւո­րեմ սփիւռքա­հայու­թեան դէ­պի Հա­յաս­տան կա­տարած այ­ցե­լու­թիւննե­րը։ Ճիշդ է որ Ազ­նա­վուր անու­նը աշ­խարհի վրայ որոշ ճա­նաչում ու­նի։Բայց անու­նի նշա­նակու­թիւնը եւ պատ­կա­նած մշա­կոյ­թը ըն­կա­լելը շատ աւե­լի կա­րեւոր է»։

Տուն-թան­գա­րանի տնօ­րէն Քրիս­տի­նա Սար­գի­սեան կը նշէ որ այս թան­գա­րանը իր օրի­նակին մէջ եզա­կի է, ու­նի շուրջ 150 հան­դի­սատես ըն­դունե­լու տա­րողու­թեամբ բա­ցօթեայ հա­մեր­գասրահ եւ Ազ­նա­վու­րի հա­մար բնա­կելու յար­մա­րու­թիւն ընդձե­ռող բա­ժին։