Նախագահի «Բաղրամեան 26»ի նստավայրի մէջ 26 Մայիս Ուրբաթ օր, տեղի ունեցած է Հայաստանի Հանրապետութեան Նախագահի 2016 թուականի մրցանակներու յանձնման արարողութիւնը։ Շարք մը բնագաւառներու մէջ ներդրած նշանակալի աւանդի համար շնորհուած մրցանակները՝ համանուն վկայագիրը եւ դրամական պարգեւը, մրցանակակիրներուն յանձնած են նախագահ Սերժ Սարգսեանը եւ «Ռոբերտ Պօղոսեան եւ Որդիներ» հիմնադրամի ներկայացուցիչ, սփիւռքահայ բարերար Ժան Պօղոսեանը։ Նախագահի մրցանակները շնորհուած են հիմք ընդունելով տուեալ բնագաւառի մէջ ՀՀ Նախագահի մրցանակ հիմնելու մասին հրամանագիրը եւ հաշուի առնելով համապատասխան բնագաւառներու յանձնախումբերու առաջարկութիւնները։
Սերժ Սարգսեանը շնորհաւորած է մրցանակի արժանացածները, մաղթելով անոնց ստեղծագործական մեծ եռանդ եւ նորանոր ձեռքբերումներ։
Սերժ Սարգսեանի խօսքը ՀՀ Նախագահի մրցանակներու յանձնման արարողութեան ժամանակ.
«Շատ ուրախ եմ, որ այսօր կը հանդիպենք եւ կը շփուենք նման հաճելի առիթով՝ պատշաճ գնահատելով ձեր վաստակը։
Այդ գործի մէջ արդէն տարիներ շարունակ մեզ սատարել են Պօղոսեան ընտանիքի յարգարժան անդամները։ Օգտուելով առիթէն՝ ելոյթիս հէնց սկզբին կը ցանկանամ բոլորիս անունին մէկ անգամ եւս երախտագիտութիւն յայտնել անոնց այս կարեւորագոյն աշխատանքը համատեղ կատարելու համար։
Ստեղծագործական աշխատանքը կը պահանջէ տարիներու սեւեռուն եւ հետեւողական նպատակադրում։ Տեղեկատուութեան, գիտելիքի, հմտութեան եւ փորձի համադրումը երբեք չի կարող անհետեւանք լինել։ Անոնք են այն ամուր հիմքերը, որ կը բերեն ստեղծագործական թռիչքի։ Ամէն մի վայրկենական պայծառացման պատմութեան թիկունքին թաքնուած է երկար տարիներու տքնաջան աշխատանք։ Վստահ եմ, որ այս պարգեւին արժանացած իւրաքանչիւր ոք ունի իր երկարամեայ ջանքերի, ճշմարտութեան փնտրտուքների, սխալների յայտնաբերման եւ շտկման մի իւրայատուկ պատմութիւն։ Այս պարգեւատրումը առաջին հերթին երիտասարդներու համար թող լինի յաջողութեան պատմութեան առաջին էջը, որպէսզի նոր պարգեւները եւ միջազգային ճանաչումը չուշանան։
Յարգելի՚ դափնեկիրներ, խօսքս ամփոփելով՝ կրկին կը շնորհաւորեմ ձեզ եւ կը մաղթեմ ստեղծագործական մեծ եռանդ եւ նորանոր ձեռքբերումներ՝ ի փառս մեր ժողովրդի, ի շահ մարդկութեան»։
ՀՀ նախագահի հրամանագրերով, Հայոց ցեղասպանութեան ճանաչման գործին նշանակալի աւանդ ներդրած անձանց 2016 թուականի մրցանակ շնորհուած է Բագրատ Էսդուգեանին (Թուրքիա)՝ Հայոց ցեղասպանութեան խնդիրը «Ակօս» թերթի մէջ մշտապէս արծարծելու համար, Հանս-Լուկաս Կիզերին (Շվեյցարիա)՝ Հայոց ցեղասպանութեան պատմութեան ուսումնասիրութեան բնագաւառին ունեցած ծանրակշիռ վաստակի համար։
Հանրապետութեան նախագահի այլ հրամանագրերով, ՀՀ Նախագահի 2016 թուականի մրցանակ շնորհուած է. տեխնիկական գիտութիւններու եւ ինֆորմացիոն տեխնոլոկիաներու բնագաւառին՝ Գէորգ Բաղդասարեանին եւ Մարինէ Միկիլեանին՝ «Մագնիսաառաձգական փոխազդգրականութեան Էֆեկտները հաղորդիչ սալերում եւ թաղանթներում» (անգլերէն) մենագրութեան համար, գրականութեան բնագաւառի մէջ Ղուկաս Սիրունեանին՝ «Բաց Արէք Ես Եմ» բանաստեղծութիւններու ժողվածոյի համար։ Հայաստանի Հանրապետութեան նախագահի 2016 թուականի երիտասարդական մրցանակ շնորհուած է՝ արուեստի բնագաւառում՝ Ռիմա Նանեանին՝ «Անորոշ մարմնաւորումներ» գրաֆիկական շարքի համար, Լեւոն Պօղոսեանին՝ «Հին Աստուածներ» քանդակներու շարքի համար, գրականութեան բնագաւառի մէջ՝ Արմէն Սարգսեանին՝ «Չկարդացած Գրքերի Փոխարէն» բանաստեղծութիւններու ժողովածոյի համար, Արամ Մամիկոնեանին՝ «Ծանր Ջուր» բանաստեղծութիւններու ժողովածոյի համար։
Դասական երաժշտութեան բնագաւառին Հայաստանի Հանրապետութեան նախագահի 2016 թուականի երիտասարդական մրցանակ շնորհուած է՝ «Երգեցողութիւն» անուանակարգին, բարձր կատարողական արուեստի համար՝ Սարգիս Բաժբէուկ-Մելիքեանին եւ Մարիաննա Մարտիրոսեանին, «Գործիքային կատարում» անուանակարգին, լաւագոյն կատարման համար՝ Ռոման Նամալեանին (դաշնամուր) եւ Արսէն Զաքարեանին (կլարնետ)։
Հայաստանի Հանրապետութեան նախագահի մրցանակի հիմնումէն ի վեր (2001-2017թթ.) 348 անհատ եւ կազմակերպութիւն, այդ թուին՝ 24 միջազգային, արժանացած են մրցանակի։
Մետայլի տուչութիւն 28 Մայիսի Յաղթանակի Տօնի առթիւ
Նախագահ Սերժ Սարգսեան 28 Մայիսի Հանրապետութեան Տօնի առիթով եւս կատարեց մրցանակաբաշխութիւն, որուն այս անգամ արժանի գտնուեցաւ «Ժամանակ» թերթի խմբագիր Արա Գօչունեան։ Հրամանագիրին մէջ կը նշուի թէ Մովսէս Խորենացի մետայլը կը շնորհուի հայապահպանութեան գործին մէջ ունեցած աւանդին համար։ Մրցանակաբաշխութեան այս արարողութեան ալ ներկայ գտնուեցան բազմաթիւ նախարարներ եւ Հայաստանի պետական աւագանին։
Նախագահ Սարգսեան մրցանակաբաշխութեան ժամուն ելոյթ ունեցաւ անդրադառնալով 28 Մայիսի խորհրդանշածի մասին եւ այս օրուայ դափնեկիրները համարեց անցեալ 99 տարիներու ընթացքին ստեղծուած բազում արժէքներու հեղինակներուն այսօրուայ ժառանգորդները։
