Կեցցէ՛ Մայիս Մէկը՝ արդեօ՞ք

Թուրքիա ան­գամ մը եւս ար­գելքնե­րով կը դի­մաւո­րէ բա­նուոր­նե­րու հա­մաշ­խարհա­յին զօ­րակ­ցութեան ու պայ­քա­րի օրը՝ Մա­յիս Մէ­կը։ Ինչպէս նա­խորդ տա­րիներ այս տա­րի ալ թէ Ներ­քին Գոր­ծոց Նա­խարա­րու­թիւնը եւ թէ Իս­թանպու­լի Կու­սա­կալու­թիւնը չեն յօ­ժարած Թաք­սի­մի հրա­պարա­կը բա­նուոր­նե­րուն տրա­մադ­րե­լու։ Այս մա­սին ՏԻՍՔ-ի եւ անոր ան­մի­ջական զօ­րակից մար­միններ ՔԵՍՔ (Հա­սարա­կական Պաշ­տօ­նեանե­րու Արհմիու­թիւն), ԹԹՊ (Թուրքիոյ Բժիշկնե­րու Կա­ճառ) եւ ԹՄՄՕՊ (Թուրքիոյ Ճար­տա­րապետ եւ Ճար­տա­րագէտ­նե­րու Միու­թիւն)ի այս ուղղու­թեամբ կա­տարած դի­մումնե­րը ան­զօր մնա­ցին։ 26 Ապ­րի­լին ՏԻՍՔ-ի կեդ­րո­նական գրա­սենեակին մէջ կա­տարուած ժո­ղովէն վերջ սոյն կազ­մա­կեր­պութիւննե­րը որո­շեցին Մա­յիս Մէ­կի տօ­նակա­տարու­թիւննե­րը անցկաց­նել Պա­քըր­գիւղի մէջ։ Այս առ­թիւ ՏԻՍՔ-ի նախագահ Քա­նի Պէ­քօ յայտնեց թէ եր­կու նիւ­թեր առաջ­նա­հերթ կը դառ­նան այս տա­րուայ Մա­յիս Մէ­կեան ցոյ­ցե­րու ըն­թացքին։ Բա­նուոր­նե­րը կը բո­ղոքեն նախ խար­դա­խուած հան­րա­քուէի ար­դիւնքնե­րուն դէմ։ Պէ­քօ կը յայտնէ թէ «Ո՛չ» ըսող­նե­րու մե­ծագոյն ձայ­նը պի­տի դառ­նայ Մա­յիս Մէ­կեան տօ­նակա­տարու­թիւնը։ Միւս կող­մէ աշ­խա­տող­նե­րու աշ­խա­տավարձքէն պար­տա­դիր խնա­յելով գո­յացած գու­մարներն ալ նոր կար­գադրու­թիւննե­րով կը յափշտա­կուին աշ­խա­տող դա­սակար­գի ձեռ­քէն։ «Մեր խնա­յողու­թիւնը կա­ռավա­րու­թեան մի­ջոցաւ կը տրա­մադ­րուի գոր­ծա­տէրե­րուն, կա­րելի չէ որ յօ­ժարինք նման կար­գադրու­թեան մը» կ՚ըսէ Պէ­քօ։

Ի դէմ այս բո­լորին վեր­ջին աւե­լի քան եր­կու տաս­նեակէ ի վեր, թէ հա­մաշ­խարհա­յին գետ­նի վրայ եւ թէ Թուրքիոյ մէջ խիստ մտա­հոգիչ է աշ­խա­տող դա­սակար­գի պայ­մաննե­րը։ Մա­յիս Մէ­կեան տօ­նակա­տարու­թեան ծնունդ տուող գլխա­ւոր ձեռքբե­րու­մը եղած էր ու­թը ժա­մուայ աշ­խա­տան­քա­յին օրուայ սկզբունքը։ Այ­սօր այդ ձեռքբե­րու­մը բո­լորո­վին ան­հե­տացած է իր տե­ղը զի­ջելով խիստ կա­մայա­կան նոր դրու­թեան։ Գոր­ծազրկու­թիւնը հա­սած է խիստ բարձր հա­մեմա­տու­թիւննե­րու եւ որ­պէս սպառ­նա­լիք ձայ­նա­զուրկ կը դարձնէ իրա­ւունք պաշտպա­նող­նե­րը։ Այս պայ­մաննե­րու տակ հիաս­թա­փու­թիւնը կը պա­տէ նաեւ պայ­քա­րելու մեծ կո­րովով լե­ցուն բա­նուոր դա­սակար­գը։