Էլազըղէն խապրիկ եկաւ

Չորեքշաբ­թի օր խմբագ­րա­տան մէջ սի­րով հիւ­րա­սիրե­ցինք «Ակօս»ի վա­ղեմի բա­րեկամ Մուսթա­ֆա Պա­լապա­նը։ Էլա­զըղաբ­նակ Պա­լապան իր ծննդա­վայր քա­ղաքին մէջ կը գոր­ծէ իբ­րեւ պատ­մութեան ու­սուցիչ։

Միւս կող­մէ ան բնա­պահ­պա­նական աշ­խա­տու­թիւննե­րով ծա­նօթ «ՉԷ­ՔԻՒԼ» Հիմ­նարկի գոր­ծիչ է Էլա­զըղի մէջ։

Մուսթա­ֆա Պա­լապան, իբ­րեւ «Ակօս»ի հա­ւատա­րիմ ըն­թերցող, տա­րածաշրջա­նի հայ­կա­կան մշա­կու­թա­յին ժա­ռան­գի ալ հա­ւատա­րիմ պա­հապան մըն է։

Ար­դա­րեւ այս այ­ցե­լու­թեան ըն­թացքին իր­մէ լսե­ցինք քա­ղաքին հայ բո­ղոքա­կան եկե­ղեց­ւոյ մա­սին զար­գա­ցումնե­րը։ Ան­հա­տական սե­փակա­նու­թիւն դար­ձած այդ եկե­ղեցին եւ տա­րած­քը 1970-աւան տա­րեթի­ւերուն գրան­ցո­ւած է իբ­րեւ պատ­մամշա­կու­թա­յին կա­ռոյց։ Այդ գրան­ցումին մէջ չես գի­տեր ինչպի­սի դրդա­պատ­ճառնե­րով հայ բո­ղոքա­կանաց եկե­ղեցին ներ­կա­յացո­ւած է իբ­րեւ ասո­րի եկե­ղեցի։

Ներ­կայ սե­փակա­նատէ­րը կ՚ու­զէ կան­գուն տա­ճարը վե­րանո­րոգ­ման մատ­նե­լով հիւ­րա­նոցի վե­րածել։

Մուսթա­ֆա Պա­լապան կ՚առար­կէ այս նա­խաձեռ­նութեան, պնդե­լով թէ պատ­շաճ չէ եկե­ղեցին հիւ­րա­նոցի վե­րածել։ Ան նաեւ կ՚աշ­խա­տի սխալ գրան­ցումը սրբագ­րե­լու, ճշդե­լով թէ եկե­ղեցին ոչ թէ ասո­րեապատ­կան է, այլ Էլա­զըղի եր­բեմնի հայ բո­ղոքա­կան հա­մայնքին։

Գիտ­նա­լով Պա­լապա­նի նա­խորդ աշ­խա­տու­թիւննե­րը վստահ ենք թէ այս նիւ­թի շուրջ ալ ան պի­տի յա­ջողի իր դի­մումնե­րը ըն­դունե­լի դարձնե­լու։