Կովկասի աշխարհագրական ու քաղաքական հեռանկարները

Պոլսահայ հանրածանօթ երգչուհի Սիպիլ ներկայ գտնուելով Պրազիլիոյ մայրաքաղաքին մէջ կազմակերպուած միջոցառման, թերթիս փոխանցած է հետեւեալ լրատուութիւնը։

Հայ Բա­րեգոր­ծա­կան Ընդհա­նուր Միու­թիւնը Պրա­զիլի մէջ կազ­մա­կեր­պած է գի­տաժո­ղով մը՝ նիւթ ու­նե­նալով Կով­կա­սեան տա­րած­քի աշ­խարհա­քաղա­քական զար­գա­ցումնե­րու եւ հե­տեւանքնե­րու շուրջ։

Մի­ջոցառ­ման ծի­րէն ներս քննար­կուած է նաեւ Հա­յաս­տա­նի Հան­րա­պետու­թեան հե­ռան­կարնե­րը ու դի­մագ­րա­ւած մար­տահրա­ւէր­նե­րը։

Մի­ջոցա­ռու­մը տե­ղի ու­նե­ցաւ 31 Յու­լի­սին Սան Փաու­լօ քա­ղաքի յայտնի Ժա­մանա­կակից Արո­ւես­տի Թան­գա­րանի դահ­լի­ճին մէջ։

Աւե­լի քան 300 մաս­նա­կից­նե­րով ըն­թա­ցող մի­ջոցառ­ման ներ­կայ էին նաեւ ՀԲԸՄ Պրա­զիլիոյ դա­սըն­թացքնե­րուն Հա­յաս­տա­նի մէջ 2023-2024 թո­ւական­նե­րուն մաս­նակցած տե­ղացի լրագ­րողներ։ Պրա­զիլիացի լրագ­րողնե­րը ընթլայ­նե­լով իրենց գի­տելիք­նե­րը տա­րածաշրջա­նի եւ երկրի առ­ջեւ ծա­ռացած խնդիր­նե­րու մա­սին ներ­կա­յացու­ցին իրենց կար­ծիքնե­րը եւս։

Քննարկման մաս­նակցած էր պատ­մա­բան Հէյ­տոր Լոու­րէյրոն։ Մի­ջոցառ­ման ներ­կայ էր նաեւ Պրա­զիլիոյ մէջ Հա­յաս­տա­նի դես­պան Ար­մէն Եկա­նեանը, ան նաեւ ելոյթ ու­նե­ցաւ բաց­ման արա­րողու­թեան ըն­թացքին։

Մի­ջոցա­ռու­մը խոր վեր­լուծու­թիւննե­րու եւ քննար­կումնե­րու բեմ դար­ձաւ կով­կա­սեան տա­րածաշրջա­նը ձե­ւաւո­րող ըն­կե­րաքա­ղաքա­կան բարդ եւ տա­րաբ­նոյթ գոր­ծօննե­րու, պատ­մա­կան խնդիր­նե­րու եւ մի­ջազ­գա­յին աս­պա­րէզի վրայ Հա­յաս­տա­նի առ­ջեւ ծա­ռացած ժա­մանա­կակից մար­տահրա­ւէր­նե­րու վե­րաբե­րեալ։

«Մեծ պա­տիւ էր կազ­մա­կեր­պել այս մի­ջոցա­ռու­մը եւ հիւ­րընկա­լել նման տա­ղան­դա­ւոր լրագ­րողներ ու պատ­մա­բան­ներ։ Հա­յաս­տա­նի եւ Ար­ցա­խի մէջ տի­րող իրա­վիճա­կի քննար­կումը շատ լու­սա­ւոր էր հան­րութեան հա­մար՝ յա­ջողու­թեամբ տա­րածե­լով երկրի իրա­վիճա­կի մա­սին իրա­զեկու­թիւնը բարձր ներգրա­ւուած լսա­րանի վրայ» նշած է ՀԲԸՄ Պրա­զիլի նա­խագահ Ռա­ֆայէլ Բա­լու­կեանը։