Երկու լրագրողներ անպարտ հռչակուած

Երբ վա­րի տո­ղերով կը կար­դանք «Աչըք» Ռա­տիօկա­յանի հա­ղորդման դէմ գոր­ծադրո­ւած ար­գելքը, նման մե­ղադ­րանքով դա­տուած եր­կու լրագ­րողներ ան­պարտ հռչա­կուե­ցան։

Այսպէս «Պի­յանեթ»ի աշ­խա­տակից Հա­լուք Քա­լաֆաթ եւ Էլիֆ Աք­կիւլ կը մե­ղադ­րո­ւէին 2020 թո­ւակա­նին իրենց պատ­րաստած «Հա­յոց ցե­ղաս­պա­նու­թեան մա­սին հա­մաշ­խարհա­յին մա­մու­լի խո­րագիր­նե­րը» անուն գիր­քի ծա­նօթաց­ման նիւ­թով։

Եր­կու լրագ­րողնե­րը կը դատուէին 2015, 2018 եւ 2019 թո­ւական­նե­րուն հրա­պարա­կուած վեց լրա­տուու­թիւննե­րու ըն­թացքին թուրք ազ­գը նա­խատե­լու վե­րաբե­րեալ Պատ­ժա­կան օրէն­քի 301-րդ յօ­դուա­ծի սահ­մաննե­րով։

2 Յու­լի­սին կա­յացող դա­տական նիս­տին մե­ղադ­րեալ լրագ­րողնե­րը եւ իրենց իրա­ւապաշտպան Վէյ­սել Օք մեր­ժե­ցին դա­տախա­զի պնդումնե­րը, յայտնե­լով թէ կա­տարո­ւածը գիր­քի մը ծա­նօթա­ցումն է եւ խօս­քի ազա­տու­թեան սահ­մաննե­րուն մէջ կա­րելի չէ պա­տիժ տնօ­րինել։

Դա­տակազ­մը հա­մաձայ­նե­ցաւ այս պաշտպա­նու­թեան եւ ան­պարտ հռչա­կեց եր­կու լրագ­րողները։