Տիյարպեքիրի Ս. Սարգիս Եկեղեցւոյ վերականգնումի աշխատանքը սկսաւ

Ն.Ա.Տ. Սա­հակ Բ. Պատ­րիարք Հայ­րը 26 Յու­նիս 2024, Չո­րեք­շաբթի առա­ւօտ մէկ­նե­ցաւ Տի­յար­պաեքիր։ Նո­րին Ամե­նապա­տուու­թեան կ’ու­ղեկցէր գա­ւազա­նակիր Հոգշ. Տ. Գաս­պար Աբղ. Կա­րապե­տեան։

Ինչպէս ծա­նօթ է, Տի­յարպեքի­րի Ս. Կի­րակոս Եկե­ղեցին տա­րիներ առաջ մեծ նո­րոգու­թեան են­թարկո­ւած ու բա­րեզար­դուած էր, իսկ Ս. Սար­գիս Եկե­ղեցին եւ իր հա­մալի­րը, երկրա­շար­ժի ալ հե­տեւան­քով բո­լորո­վին ան­շուք վի­ճակ մը կը պար­զէր նիւ­թա­կան եւ նման պատ­ճառնե­րով ալ իր վի­ճակին մէջ մնա­ցած էր։

Ըն­դա­ռաջե­լով Տի­յար­պեքիրի Ծխա­կան Խոր­հուրդի խնդրան­քին, Մշա­կոյ­թի եւ Զբօ­սաշրջու­թեան նա­խարա­րու­թիւնը վեր­ջերս որո­շած էր հինգ մի­լիոն լի­րա յատ­կացնել փլա­տակ վի­ճակի մէ­ջի Ս. Սար­գիս Եկե­ղեց­ւոյ վե­րականգնման հա­մար։ Սոյն Եկե­ղեց­ւոյ վե­րականգնման ու բա­րեզարդման աշ­խա­տանքնե­րու ծրա­գիրը ար­դէն իսկ պատ­րաստ ըլ­լա­լով, որո­շուած էր շու­տով աշ­խա­տան­քի անցնիլ։

Նո­րին Ամե­նապա­տուու­թիւնը Տի­յար­պեքիրի օդա­կայա­նին մէջ դի­մաւո­րուե­ցաւ Վարդգէս Էր­կիւն Այը­քի գլխա­ւորու­թեամբ, Ծխա­կան Խոր­հուրդի ան­դամնե­րուն կող­մէ։

Մեր Հո­գեւոր Պե­տը եւ շքա­խումբը նախ այ­ցե­լեց Ս. Կի­րակոս Եկե­ղեցի եւ այստեղ կա­տարո­ւեցաւ ուխտի աղօթք։

Ապա տրո­ւեցան քա­ղաքա­վարա­կան շարք մը այ­ցե­լու­թիւններ տեղ­ւոյն պե­տական պաշ­տօ­նեանե­րուն։

Ըստ նա­խապէս առ­նո­ւած ժա­մադ­րութեան, Նո­րին Ամե­նապա­տու­թիւնն ու ըն­կե­րակից­նե­րը ժա­մը 13.00-ին այ­ցե­լեցին Տի­յար­պա­քըրի Աւագ Քա­ղաքա­պետա­րան եւ դի­մաւո­րուե­ցան եւ ըն­դունո­ւեցան Աւագ Քա­ղաքա­պետ Տօ­ղան Հա­թու­նի կող­մէ։

Նո­րին Ամե­նապա­տուու­թիւնը քա­ղաքա­վարա­կան այ­ցե­լու­թեան ըն­թացքին նախ շնոր­հա­ւորեց Աւագ Քա­ղաքա­պետը իր ընտրու­թեան առ­թիւ, ապա բա­ցատ­րեց այ­ցե­լու­թեան նպա­տակը եւ տե­ղեկու­թիւններ տո­ւաւ կա­տարո­ւած եւ կա­տարե­լի աշ­խա­տանքնե­րուն մա­սին։

Այ­ցե­լու­թիւն մըն ալ տրո­ւեցաւ Տի­յար­պե­քիրի Կու­սա­կալու­թեան, ուր մեր Հո­գեւոր Պե­տը դի­մաւո­րուե­ցաւ Կու­սա­կալի Փո­խանորդ Ապ­տուլլահ Չիֆթչիի կող­մէ։ Ան յայտնեց, որ Կու­սա­կալը հանգստեան կո­չուած ըլ­լա­լով ինք կը փո­խարի­նէր եւ այդ հան­գա­ման­քով կը դի­մաւո­րէր Հա­յոց Պատ­րիար­քը։

Նո­րին Ամե­նապա­տուու­թիւնը յայտնեց, թէ իր Տի­յարպեքիր այ­ցե­լու­թեան ըն­թացքին փա­փաքած է քա­ղաքի պե­տական բարձրա­գոյն իշ­խա­նու­թեան քա­ղաքա­վարա­կան այ­ցե­լու­թիւն մը տալ եւ բա­ցատ­րեց այ­ցե­լու­թեան նպա­տակը, տե­ղեկու­թիւններ տո­ւաւ կա­տարո­ւած եւ կա­տարե­լի աշ­խա­տանքնե­րուն մա­սին։

Նո­րին Ամե­նապա­տու­թիւնն ու ըն­կե­րակից­նե­րը նոյն օր ժա­մը17.00-ին այ­ցե­լեցին Տի­յար­պեքիրի Սուր քա­ղաքա­մասի զոյգ քա­ղաքա­պետ­ներ՝ Ատ­նան Էօր­հա­նին եւ Ֆաթ­մա Էօն­քօ­լին։

Նո­րին Ամե­նապա­տուու­թիւնը քա­ղաքա­վարա­կան այ­ցե­լու­թեան ըն­թացքին նախ շնոր­հա­ւորեց զոյգ քա­ղաքա­պետ­նե­րը իրենց ընտրու­թեան առ­թիւ, ապա բա­ցատ­րեց այ­ցե­լու­թեան նպա­տակը եւ տե­ղեկու­թիւններ տո­ւաւ պա­րագա­ներու բեր­մամբ գրե­թէ փլա­տակ մնա­ցած Ս. Սար­գիս Եկե­ղեց­ւոյ վե­րականգնման ու բա­րեզարդման հա­մար կա­տարե­լի աշ­խա­տանքնե­րուն մա­սին։

Տիգ­րա­նակեր­տի Ծխա­կան Խոր­հուրդը նոյն գի­շեր, ի պա­տիւ իր Ամե­նապա­տիւ Սրբա­զան Հիւ­րին, սի­րոյ ընթրիք սար­քեց Ս. Կի­րակոս Եկե­ղեց­ւոյ պար­տէ­զը։

Պատ­րիարք Հայ­րը 27 Յու­նիս 2024, Հինգշաբ­թի առա­ւօտ այ­ցե­լեց Ս. Սար­գիս Եկե­ղեց­ւոյ վայ­րը։ Ներ­կայ էին Վարդգէս Էր­կիւն Այը­քի գլխա­ւորու­թեամբ, Ծխա­կան Խոր­հուրդի ան­դամնե­րը։

Մաս­նակցե­ցան Տի­յար­պեքիրի Աւագ Քա­ղաքա­պետ Տօ­ղան Հա­թուն, Սուր Քա­ղաքա­մասի քա­ղաքա­պետ Ֆաթ­մա Էօն­քօլ, Մշա­կոյ­թի եւ Զբօ­սաշրջու­թեան Նա­խարա­րու­թեան ներ­կա­յացու­ցի­չը, մամ­լոյ աշ­խա­տակից­ներ եւ տե­ղացի ժո­ղովուրդը։

Մեր Հո­գեւոր Պե­տը այստեղ աղօթք վե­րառա­քեց Աս­տուծոյ, որ­պէսզի օրհնո­ւի եկե­ղեցա­շէն սոյն աշ­խա­տան­քը։

Ապա իրենց սրտի խօս­քով հան­դէս եկան Ամեն. Ս. Պատ­րիարք Հայ­րը, Ծխա­կան Խոր­հուրդի Ատե­նապե­տը, Տի­յար­պե­քիրի Աւագ Քա­ղաքա­պետը եւ Մշա­կոյ­թի եւ Զբօ­սաշրջու­թեան Նա­խարա­րու­թեան ներ­կա­յացու­ցի­չը։

Հան­դի­սու­թեան աւար­տին Ծխա­կան Խոր­հուրդի կող­մէ սար­քո­ւեցաւ պտղա­սեղան։

Նո­րին Ամե­նապա­տուու­թիւնը ապա ան­ցաւ Ս. Կի­րակոս Եկե­ղեցի։

Պատ­րիարք Հայ­րը նոյն օր վե­րադար­ձաւ քաղաքս։