Հայերէնով լոյս տեսաւ «Աւետիք Պատրիարքի Խորհրդաւոր Կեանքը» գիրքը

Պատրիար­քա­կան Աթո­ռի Յո­վակի­մեան Մա­տենա­շարէն, որ­պէս ին­նե­րորդ հա­տոր լոյս տե­սաւ Աթո­ռոյս դի­ւանի նախ­կին աշ­խա­տաւոր եւ ապա՝ պատ­մա­բան եւ թարգմա­նիչ Սիլ­վարդ Մալ­խա­սեանի «Աւե­տիք Պատ­րիար­քի Խորհրդա­ւոր Կեան­քը» խո­րագ­րեալ գիր­քը։

100 էջե­րէ բաղ­կա­ցեալ աշ­խա­տասի­րու­թիւնը, ան­ցեալ տա­րուայ ըն­թացքին Թրքե­րէնով լոյս տե­սած էր Արաս Հրա­տարակ­չա­տու­նէն, որուն շնոր­հանդէ­սը տե­ղի ու­նե­ցած էր նոյն տա­րուայ ամա­ռը Գնա­լը Կղզիի Ս. Գրի­գոր Լու­սա­ւորիչ Եկե­ղեց­ւոյ մէջ, նա­խագա­հու­թեամբ Ն.Ա.Տ. Սա­հակ Բ. Պատ­րիարք Հօր։ Տա­կաւին այս փու­լին, մեր Հո­գեւոր Պե­տը թե­լադ­րած էր որ սոյն գիր­քը թարգմա­նուի Հա­յերէ­նի եւ լոյս տես­նէ, դառ­նա­լով Հայ­կա­կան գի­տական աշ­խարհի հա­մար պատ­մագրա­կան վա­ւերգրու­թեան մը։

Գիր­քի հե­ղինա­կը սոյն թե­լադ­րութիւ­նը հրա­հանգ ըն­կա­լելով, առա­ջին օրէն ձեռ­նարկած էր թարգման­չա­կան աշ­խա­տու­թեանց եւ այս ուղղու­թեամբ Հա­յերէ­նի թարգման­չա­կան պա­տաս­խա­նատո­ւու­թիւնը յանձնած էր Նաիրա Սիւզմէին։ Յա­ջոր­դա­բար հրա­տարա­կու­թեան պատ­րաստու­թեան եւ սրբագ­րութեան պա­տաս­խա­նատու­թիւնը յաձ­նո­ւած էր դա­սատու եւ բա­նասէր Բրկ. Սե­ւան Կսրկ. Տէ­յիր­մէնճեանին։ Մինչ այդ Մի­նաս Օֆ­լազ պատ­րաստած է գիր­քի շքեղ կող­քը։ Բաց աս­տի պատ­րաստու­թեան շրջա­նին Էսաեան Վար­ժա­րանի մէջ Ս. Թարգման­չաց Տօ­նի առ­թիւ հե­ղինա­կը հան­դի­պում ու­նե­ցած է հա­մայնքա­յին լի­սէնե­րէ աշա­կերտնե­րու հետ ու իրենց ներ­կա­յացու­ցած՝ սոյն գիր­քը եւ թարգման­չա­կան աշ­խա­տու­թեան նրբու­թիւննե­րը։

Սիլ­վարդ Մալ­խա­սեանի ու­սումնա­սիրու­թեան թարգման­չա­կան աշ­խա­տու­թիւնը աւար­տած ըլ­լա­լով, սոյն աշ­խա­տու­թիւնը Փետ­րո­ւար ամ­սուան մէջ յանձնած է մեր Հո­գեւոր Պե­տին ու­շադրու­թեան։ Պատ­րիարք Հայ­րը գիր­քի կա­տարե­լու­թիւնը տես­նե­լով իր օրհնու­թիւնը տո­ւած է, որ սոյն գիր­քի էջադ­րութիւ­նը կա­տարո­ւի Պատ­րիար­քա­կան Աթո­ռոյ Հրա­տարակ­չութեան Բա­ժան­մունքի կող­մէ եւ ապա հրա­տարա­կուի որ­պէս Յո­վակի­մեան Մա­տենա­շարի գիր­քե­րէն մին։ Եւ ահա այժմ սոյն պաստմա­բանա­կան գիր­քը մայ­րե­նի լե­զուով եւս հրա­տարա­կուած ըլ­լա­լով կը յանձնո­ւի Հայ­­ հա­սարա­կու­թեան։

Հա­տորը կը բա­ցուի Ն.Ա.Տ. Սա­հակ Բ. Պատ­րիարք Հօր «Յի­շելով Աւե­տիք Պատ­րիար­քը» խո­րագ­րեալ օրհնու­թեան խօս­քով: Ապա կը շա­րու­նա­կուի գիր­քի հե­ղինա­կին նե­րածա­կանով, որուն մէջ գիր­քի պատ­րաստու­թեան փու­լե­րուն մա­սին տե­ղեկու­թիւններ կը տրո­ւի։ Հե­ղինա­կը գիր­քը ձօ­նած է իր սի­րեցեալ հօր՝ Յով­հաննէ­սի, որ իր մէջ սեր­մա­նած է ըն­թերցա­նու­թեան սէ­րը, եւ մօ­րը՝ Աղաւ­նի Քա­յարի։ Հա­տորի սկիզ­բը կայ նաեւ Սիլ­վարդ Մալ­խա­սեանի հա­կիրճ կեն­սագրու­թիւնը եւ իր թարգման­չա­կան աշ­խա­տու­թեանց ցան­կը:

Աշ­խա­տասի­րու­թիւնը բաժ­նո­ւած է եր­կու մա­սերու։ Առա­ջին բաժ­նին մէջ կը ներ­կա­յացո­ւի այն երե­ւակա­յու­թիւնը, թէ՝ Աւե­տիք Պատ­րիարք եր­կա­թէ դի­մակով մարդն է եւ այս ուղղու­թեամբ պատ­մա­կան տո­ւեալ­նե­րով հան­դէս կու­ գայ հե­ղինա­կը։ Բաց աս­տի կը ներ­կա­յացո­ւի այդ օրե­րու մի­սիոնա­րական շար­ժումի ազ­դե­ցու­թիւնը եւ հե­տեւանքնե­րը հա­յոց մէջ։ Իսկ երկրորդ բաժ­նին մէջ կը ներ­կա­յացո­ւի Աւե­տիք Պատ­րիար­քի գա­հակա­լու­թիւնը եւ յա­ջոր­դա­բար մին­չեւ Պասթիլ տե­ղափո­խու­թեան փու­լե­րը։ Այս բաժ­նին մէջ հե­տաքրքրա­կան ձե­ւով կը քննար­կո­ւի իր դա­ւանա­փոխու­թիւնը, վեր­ջին օրե­րը եւ մա­հուան առեղ­ծո­ւածը։

Բազ­մա­թիւ էջա­տակե­րով հա­րուստ գիր­քը նաեւ ու­նի պատ­մա­կան լուրջ հե­ղինա­կու­թիւն։ Աշ­խա­տասի­րու­թեան աւար­տին նաեւ դրո­ւած է մա­տենա­գիտա­կան ցան­կը եւ յա­տուկ անուննե­րու ցան­կը։ «Աւե­տիք Պատ­րիար­քի խորհրդա­ւոր կեան­քը» ի մօ­տոյ ժո­ղովուրդին պի­տի հրամ­ցո­ւի շնոր­հանդէ­սով մը։