Ի սպառ ելաւ մեղմացման ակնկալութիւնը

Իդէմ Թուրքիոյ քա­ղաքա­կան դաշ­տի վրայ տի­րող լա­րուա­ծու­թիւնը եւ բե­ւեռա­ցու­մը վե­րաց­նե­լու մի­տու­մով օրա­կար­գի բե­րուած մեղ­մացման եղա­նակին, Կա­ռավա­րու­թիւնը ան­գամ մը եւս դի­մեց ընտրո­ւած­նե­րը նշա­նակո­ւած­նե­րով փո­խարի­նելու սո­վորոյ­թին։

Այս ռազ­մա­վարու­թեան վեր­ջին զո­հը եղաւ քրտա­մէտ ՏԵՄ կու­սակցու­թեան շար­քե­րէն Հաք­քա­րիի հա­մաքա­ղաքա­պետ ընտրո­ւած Մեհ­մետ Սըտ­տըք Աքըշ։ Այս վեր­ջի­նին Վա­նի մէջ բեր­ման են­թարկուելէ ետք Ներ­քին Գոր­ծոց Նա­խարա­րու­թիւնը յայ­տա­րարեց թէ քա­ղաքա­պետի պաշ­տօ­նին նշա­նակո­ւած է Հաք­քա­րիի կու­սա­կալ Ալի Չե­լիք։

Որո­շու­մը բնա­կանա­բար հա­կազ­դե­ցու­թիւն գո­յացուց եւ տե­ղի տո­ւաւ բո­ղոքի ցոյ­ցե­րուն։ Ոս­տի­կանու­թիւնը ար­դէն պա­շարած էր քա­ղաքա­պետա­րանի շէն­քը եւ կու­սա­կալու­թիւնն ալ յայ­տա­րարու­թիւնով մը ար­գի­լեց քա­ղաքի եւ շրջա­կայ­քի մէջ բո­լոր տե­սակի բո­ղոքի ցոյ­ցե­րը եւ հան­րա­հաւաք­նե­րը։

Բեր­ման են­թարկե­լու իբ­րեւ պատ­ճա­ռաբա­նու­թիւն կ՚առա­ջադ­րո­ւի 10 տա­րի առաջ գոր­ծադրո­ւած մե­ղադ­րանք մը, ըստ որու Աքըշ ՓՔՔ կազ­մա­կեր­պութեան մէջ բարձրաս­տի­ճան պաշ­տօն ստանձնած է։

Զա­նազան մեկ­նա­բան­ներ կը մեր­ժեն այս մեղադրանքները, ընդգծե­լով թէ Մեհ­մետ Սըտ­տըք Աքը­շի թեկ­նա­ծու­թիւնը ընտրու­թիւննե­րու նա­խոր­դող օրե­րուն քննար­կո­ւած ու վա­ւերա­ցուած էր Ընտրու­թեան Բարձրա­գոյն Խոր­հուրդի կող­մէ։

Բո­լորին ծա­նօթ է թէ Թուրքիոյ մէջ դա­տական հա­մակար­գը բո­լորո­վին են­թարկո­ւած է քա­ղաքա­կան նա­խասի­րու­թիւննե­րուն։ Միայն կար­գա­խօս մը ըլ­լա­լով կը հնչէ «Ար­դար դա­տավա­րու­թիւն» կամ «Դա­տական ան­կա­խու­թիւն» բա­ցատ­րութիւննե­րը։ Նոյ­նիսկ յա­ճախ ընդդի­մադիր հե­ռուստա­կայան­նե­րէն կը սփռո­ւին դա­տաւոր­նե­րու կամ դա­տախազ­նե­րու յան­ցա­ւոր աշ­խարհի հետ յա­րաբե­րու­թիւննե­րը եւ բա­րեկա­մու­թիւննե­րը։ Այս են­թա­գետ­նի վրայ ալ աւե­լի կաս­կա­ծելի կը դառ­նայ Հաք­քա­րիի ընտրո­ւած քա­ղաքա­պետի պաշ­տօ­նէն հե­ռացու­մի որո­շու­մը։

Ար­դա­րեւ գլխա­ւորու­թեամբ Ժո­ղովրդա­հանրա­պետա­կան կու­սակցու­թեան, զա­նազան ընդդի­մադիր կա­ռոյցներ ընդվզում յայտնե­ցին պա­տահա­ծին հան­դէպ եւ մե­ղադ­րե­ցին կա­ռավա­րու­թիւնը քրտաբ­նակ տա­րածքնե­րէ ներս ընտրուած­նե­րու փո­խարէն տե­ղապահ­ներ նշա­նակե­լու քա­ղաքա­կանու­թիւնը։

Այս մա­սին ԱՔՓ կու­սակցու­թեան առա­ջատար դէմ­քե­րէն Իպ­րա­հիմ Քալթն դժո­ւար պա­հեր ապ­րե­ցաւ գեր­մա­նական հե­ռուստա­կայա­նի մը հար­ցումնե­րուն պա­տաս­խա­նելու պա­հուն։ Թղթա­կիցը երբ կը հարցնէր այս վեր­ջին զար­գա­ցու­մի մա­սին, Քա­լըն կը կրկնէր հետզհե­տէ դդու­մի համ տո­ւած մե­ղադ­րանքը, պնդե­լով թէ տո­ւեալ քա­ղաքա­պետ­նե­րը իրենց պիւտճէէն բա­ժին կը յատ­կացնեն ՓՔՔ-ին։

Հա­ղոր­դա­վարը կտրուկ յի­շեցուց թէ իշ­խա­նափո­խու­թեան մը դէպ­քին ինք եւս կրնայ նման մե­ղադ­րանքնե­րու հան­դի­պիլ, եթէ իրա­ւական հա­մակար­գը այսքան քա­ղաքա­կանա­ցած է։

Բո­ղոքի ելոյթնե­րը կը շա­րու­նա­կուէին, երբ տաս­նա­մեակ ան­ցեալ ու­նե­ցող դա­տավա­րու­թիւնը 5 Յու­նի­սին վճիռ ար­ձա­կեց Մեհ­մետ Սըտ­տըք Աքը­շը 19 տա­րուայ ազա­տազրկամ դա­տապարտելով։