Թերթիս ընթերցողներուն գիրքերու ծանօթութեան գրութիւններով յայտնի Քուրթուլուշ Պաշթըմար իր հեղինակած սցենարի հիման վրայ նկարահանած գեղարուեստական ֆիլմով կը ներկայանայ շարժանկարի համաշխարհային միջավայրին։
Նախապէս ֆիլմի սցենարը արժանացած էր Book Culture Art Times-ի 2024-ի լաւագոյն սցենարի մրցանակին։
«Չիղտեմ» Ֆիլմի համաշխարհային առաջին ներկայացումը պիտի կայանայ Սպանիա, Սեւիլի միջազգային կինօ-փառատօնի ընթացքին։
Պաշթըմար նպատակադրած է իր այս առաջին ֆիլմով մասնակցիլ նաեւ արեւմտեան այլ փառատօներու եւս, որոնց աւարտին պիտի կայանայ Թուրքիոյ ցուցադրութիւնները։ Ֆիլմի որմազդին վրայ տեղադրուած է հանրածանօթ կինօ-բեմադրիչ Սերժ Աւետիքեանի եւ Սահրա Քարինիին տեսութիւնները։
Ֆիլմի նկարահանումները կայացած էին Կարսի անտեսուած գիւղի մը մէջ։ Դերասանները նոյն ինքն գիւղի բնակիչներն են։
Ֆիլմը կը պատմէ գիւղի դպրոցի աշակերտուհիներէն Չիղտեմի շախմատի ազգային մրցումներու մասնակցելու ոդիսականը։ Յայտնի է, որ այս ցուցադրութիւններու աւարտին ֆիլմը պիտի ունենայ բաւական բեղուն արձագանգներ։
