«Պոլիս Լուսատու»ի առաջին ցուցահանդէսը

Պոլսա­հայ ար­հեստա­վարժ եւ սի­րողա­կան լու­սանկա­րիչ­նե­րու ջան­քե­րով նա­խորդ տա­րուայ Յու­նո­ւար ամ­սուն հիմ­նո­ւած «Պո­լիս Լու­սա­տու» նա­խաձեռ­նութիւ­նը 29 Մա­յիս Չո­րեք­շաբթի երե­կոյ Տե­փոյի մէջ կա­յացած հա­ւաքա­կան ցու­ցա­հան­դէ­սով մը ներ­կա­յացաւ արո­ւես­տա­սէր զան­գո­ւածին։ Տար­բեր ոլորտնե­րու մէջ լու­սանկար­չութիւն ըրած Սար­գիս Կիւ­րեղ, Մկրտիչ Ար­ծի­ւեան, Պերճ Արա­պեան եւ Տայք Տան­ձի­կի գոր­ծե­րէն ընտրո­ւած նմոյշներ այս ցու­ցա­հան­դէ­սի առ­թիւ հան­րութեան կը ներ­կա­յանան «Վար­պետ ձեռ­քե­րուն կա­խար­դը» ընդհա­նուր խո­րագի­րով։ Ինչպէս խո­րագիրն ալ կը նշէ, ցու­ցա­հան­դէ­սի մէջ ծան­րակշիռ կը դառ­նան ար­դի դրու­թիւննե­րու ու մե­քենա­շինու­թեան դի­մաց նա­հան­ջող եւ հետզհե­տէ ան­հե­տացող աս­պա­րէզ­նե­րու վար­պետնե­րու աշ­խա­տան­քը։ Նշենք թէ այս հա­ւաքա­ծոն ու­նի նաեւ ար­խի­ւային բնոյթ ժա­մանա­կակից հայ վար­պետնե­րու անունն ու վաս­տա­կը վա­ւերաց­նե­լու առու­մով։