Տիգրանակերտի Ս. Սարգիս Եկեղեցւոյ վերականգնման աշխատանքը կը սկսի

Սահակ Բ. Պատ­րիարք Հայ­րը, 23 Մա­յիս 2024, Հինգշաբ­թի, ըն­դունեց Տիգ­րա­նակեր­տի Ս. Կի­րակոս Եկե­ղեց­ւոյ Ծխա­կան Խոր­հուրդի ան­դամնե­րը, գլխա­ւորու­թեամբ ատե­նապետ Վարդգէս Էր­կիւն Այը­քի։

Այ­ցե­լու­ներ յայտնե­ցին, թէ եկած են Նո­րին Ամե­նապա­տուու­թեան ու­շադրու­թեան յանձնել Տիգ­րա­նակեր­տի Եկե­ղեցին հե­տաքրքրող նիւթ մը. Ինչպէս ծա­նօթ է տա­րիներ առաջ մեծ նո­րոգու­թեան մը են­թարկո­ւած ու բա­րեզար­դուած էր տեղ­ւոյն Ս. Կի­րակոս Եկե­ղեցին. Սա­կայն, նիւ­թա­կան ու նման պատ­ճառնե­րով իր վի­ճակին մէջ մնա­ցած Ս. Սար­գիս Եկե­ղեցին եւ իր հա­մալի­րը, երկրա­շար­ժի ալ հե­տեւան­քով բո­լորո­վին ան­շուք վի­ճակ մը կը պար­զէր։ Տեղ­ւոյն Ծխա­կան Խոր­հուրդի խնդրան­քին ըն­դա­ռաջե­լով, Մշա­կոյ­թի եւ Զբօ­սաշրջու­թեան նա­խարա­րու­թիւնը վեր­ջերս որո­շած է հինգ մի­լիոն լի­րա յատ­կացնել փլա­տակ վի­ճակի մէ­ջի Ս. Սար­գիս Եկե­ղեց­ւոյ վե­րականգնման հա­մար։ Սոյն Եկե­ղեց­ւոյ վե­րականգնու­մի ու բա­րեզարդման աշ­խա­տանքնե­րու ծրա­գիրը ար­դէն իսկ պատ­րաստ ըլ­լա­լով, Ծխա­կան Խոր­հուրդը որո­շած էր շու­տով աշ­խա­տան­քի անցնիլ եւ այս առ­թիւ եկած էին օրհնու­թիւնն ու հո­վանա­ւորու­թիւնը խնդրե­լու մեր Հո­գեւոր Պե­տին՝ այս աշ­խա­տան­քին հա­մար։

Պատ­րիարք Հայ­րը իր ու­րա­խու­թիւնը յայտնեց ի տես այս զար­գա­ցու­մին եւ շնոր­հա­ւորեց Տիգ­րա­նակեր­տի Ծխա­կան Խոր­հուրդը։ Նո­րին Ամե­նապա­տուու­թիւնը խոս­տա­ցաւ իր զօ­րակ­ցութիւ­նը եկե­ղեցա­շէն սոյն աշ­խա­տան­քին հա­մար։ Յա­ռաջի­կայ 13 Յու­նի­սին, Պատ­րիարք Հօր նա­խագա­հու­թեամբ կա­տարե­լի հան­դի­սու­թեամբ սկիզբ պի­տի առ­նէ վե­րականգնման աշ­խա­տան­քը։