Ինչպէս նախորդ բոլոր անգամներուն, այս անգամ ալ Արա Տինքչեան իր Պոլիս այցելութիւնով գոյացուց մտերմիկ մթնոլորտ մը, շրջապատուելով համակիրներու զանգուածի կողմէ։
Երեք միջոցառումներու պատճառաւ ան կրկին անգամ յայտնուեցաւ այս քաղաքի երաժշտասէրներու դիմաց։
Առաջին միջոցառումը համերգ մըն էր, երկրորդը «Հաւաք» սրահի մէջ բանախօսութիւն եւ երրորդը «Արաս» հրատարակչատան խմբագրատան երդիքին տակ գիրքի շնորհանդէս։
