Հայ երգը պանծացնելու համար

Պոլսահայ երաժշտա­կան կեան­քի աստղե­րէն Մա­րալ Այ­վազ կը պատ­րաստո­ւի նոր հե­ղինա­կային հա­մեր­գի մը, որ պի­տի կա­յանայ 28 Մա­յիս երեք­շաբթի, ժա­մը 20.30-ին, Շիշ­լի Ճե­միլ Ճան­տաշ Մշա­կոյ­թի Կեդ­րո­նին մէջ։

Հա­մեր­գի նա­խապատ­րաստու­թեան բե­ղուն շրջան մը բո­լորած երգչու­հին «Ակօս» այ­ցե­լեց, խմբագ­րութիւնս իր մօ­տակայ հա­մեր­գին հրա­ւիրե­լու հա­մար։

Այս առ­թիւ ան հա­կիրճ տե­ղեկու­թիւններ տա­լով յայտնեց թէ բե­մին վրայ իրեն պի­տի ըն­կե­րակ­ցին «Առա­գաստ» նո­ւագա­խումբի ան­դամնե­րը, որոնց հետ ան­ցեալին ալ ու­նե­ցած էր շատ փայ­լուն ու ներ­դաշնակ գոր­ծակցու­թիւն։

Մա­րալ Այ­վա­զին հետ խօ­սեցանք մշա­կու­թա­յին, գե­ղարո­ւես­տա­կան ու գրա­կան ոլոր­տի դի­մագ­րա­ւած բազ­մաբնոյթ դժուարու­թիւննե­րու մա­սին, որոնց յաղ­թա­հարու­մը կա­րելի կ՚ըլ­լայ արո­ւես­տա­գէտի, արո­ւես­տի մշա­կի անձնա­կան զո­հողու­թիւննե­րով։

«Մենք հետզհե­տէ բնա­կան կը հա­մարենք այս զո­հողու­թիւննե­րը, քա­նի որ որ­դեգրած ենք մշա­կոյ­թին ծա­ռայե­լու առա­քելու­թիւնը»։

Մե­զի կը մնայ հաս­տա­տել երախ­տա­պար­տութիւն այն նո­ւիրեալ­նե­րուն, որոնք կը գի­տակ­ցին իրենց կա­տարած գոր­ծի կա­րեւո­րու­թեան եւ չեն վա­րանիր բո­լոր զո­հողու­թիւննե­րը յանձն առ­նել ի գին ազ­գա­յին մշա­կոյ­թի սա­տարելու։