ՕՔՍԱՆԱ ԿԱՐԱՊԵՏԵԱՆ
Հոն ոգիներ կ՚ապրէին... Հայոց աշխարհի այլեւայլ ծայրերում... Հոն հսկաներ կը քայլէին, յաւերժահարսունք կը պաշտուէին, արալեզք մարտիկներուն կեանք կը պարգեւէին եւ Թուխ Մանուկք մայր հողը կը սնէին։ Իսկ մռայլ ձորերում դեւեր ու քաջք կը բնակէին, Վանայ լճի յատակում վիշապներ կ՚ապրէին, Այսք քամիներ կը բերէին։
Հայքի կեդրոնական եւ ամենամեծ Վասպուրական աշխարհում ոգիների պաշտամունքը կը գոյատեւէր դեռ երկար դարեր եւ մինչ 20-րդ դարի սկիզբը մենք կարող էինք տեսնել դրա մնացորդները։
Ահա վանեցի մամիկները կը հաւատային թէ ամէն արտուտքի, լինի դա ցորեն, բրինձ, ալիւր, իւղ կամ պանիր, տարրայի մէջ Շնողք կ՚ապրի։ Շնողք ոգիները արտուտքի պահապաններն էին, ուստի ամէն անգամ, երբ արտուտքի տարրան քիչ մը կը պարպէին, անպատճառ «Յիսուս Քրիստոս» կ՚ըսէին, զի Շնողքը չնեղանայ եւ մէջէն չելնի, այլապէս տարրան շատ շուտ ամբողջովին կը դատարկուէր։ Իսկ եթէ Շնողքն արդէն գնացած կ՚ըլլար, վերցրածից քիչ մը ետ կը դնէին. այդպէս Շնողքին ետ՝ արտուտքի տարրայ, կը հրաւիրէին։
Իսկ ահա արտերի եւ դաշտ ու հանդերի պահապանները Խըլվըլիկներն էին։ Խըլվըլիկը կ՚ապրէր արտերում եւ պատասխանատու կ՚ըլլար արտի բերրիութեան համար։
Վասպուրականցիք կը հաւատային նաեւ Առնակ, Գրող եւ Փութիկ ոգիներու գոյութեանը։ Առաւել զօրեղ կ՚ընկալուէր Գրողը, որը յաճախ որպէս աստուածութիւն կը գիտակցուէր։
Փութիկը կամ Շուտիկը կը նոյնացուէր երբեմն Գրող աստծոյ հետ, զի յաճախ «Գրողը տանի քեզ» արտայայտութեան փոխարէն կ՚ըսէին «Շուտիկ տանի քեզ»։ Հետաքրքրական է, որ նոր ոտք ելնող մանուկներուն ալ ծաղրաբար «փութիկ» կը կոչէին։
Փութիկները անչափ արագավազ ոգիներ էին, եւ սակայն, Գրողի չափ ահարկու չէին։ Ղեւոնդ Ալիշանը Շուտիկին որպէս հրէշ կը կարծէ եւ կը նշէ թէ բժշկարաններում Շուտիկը «տարաժամ մահ» կը նշանակի՝ մէջբերելով հետեւեալը. «Թէ անկանի Շուտիկ ի տեղ մի, որ է մահն, գրեն, եւ դու անդ պատահիս... ի մէջն մնաս», եւ այլն. «Աւագ թիրեաքովէ դեղ պատուիրիր»։
Թղպա կամ Թեպղա կամ Թեպղ։ Ալիշանը նրան անյայտ ծագումի չար ոգի մը կը դիտարկի, որ պարզապէս յիշատակուած է Ալքից յետոյ, անուանումն ալ՝ հայի ականջին խորթ։ Եւ անուան հնչիւնաբանութեամբ կը նմանեցնէ նրան յունական դիցաբանութենէն Միւրտիլոսի մօր եւ Հեթեստոսի սիրեցեալի հետ։ Մինչդեռ Վանի բանահիւսութեան մէջ մենք կը տեսնենք Թղպային իր ողջ գոյներով։
Թըպղը, ինչպէս նրան կը կոչէին Վասպուրականի հայերը գորտանման չոր ոգի մըն է։ Ան, յղի կանանց արգանդը մտնելով, կը թունաւորէ անոնց սաղմը, այդու նորածինը կամ մեռած կը ծնուի, կամ խիստ սակաւակեաց կ՚ըլլայ։ Ընդունուած է ճահիճներէն գորտեր բռնելով թալիսմաններ պատրաստել եւ յղի կանանց մօտ պահել։ Կը հաւատան թէ այսոցիկ թըպղաները չեն մերձենար յղիներուն։ Թըպղայէն զարնուած կինը թպղոտ կը կոչուի։
Թպղի եղած մանուկներուն Քրմենուց քարէ կամուրջը կը տանէին, որ Շատախի Քրմենց գիւղի վերեւը կը գտնուէր եւ բնական քարէ կամուրջ մըն էր։ Թպղի եղածներին եօթն անգամ անցկացնէին կամրջի տակով, այդու ետք մէջքի վրայ կը պարկեցնէին կամրջի քարերուն եւ մի բռաչափ քար կը դնէին մանկան փորին։ Եթէ երախան ձեռքը տանի եւ քարը վայր գլորէ, նշան է, որ թպղի հիւանդութենէն բժշկուելու է, ապա թէ ոչ՝ մեռնելու է։
Վասպուրականի բանահիւսութեան մէջ դեռ շատ ուրիշ ոգեղէններ կան, որոնց առաջիկայում, անշուշտ, դեռ առիթ կ՚ունենանք յիշելու։