Խաչքարի տեղադրումը Քէօլնի մէջ

Գերմանիոյ Քէօլն քա­ղաքին մէջ բա­ցուե­ցաւ Հա­յոց ցե­ղաս­պա­նու­թեան զո­հերուն յի­շատա­կին ձօ­նուած խաչ­քա­րը։ 18 Նո­յեմ­բեր 2017-ին կա­յացող պաշ­տօ­նական բաց­ման ներ­կայ գտնուեցան Գեր­մա­նիոյ Հա­յոց Թե­մի Առաջ­նորդա­կան Փո­խանորդ Տէր Սե­րով­բէ Վրդ. Իսա­խանեան, իր հետ ու­նե­նալով թե­մի այլ հո­գեւո­րական­նե­րը, Հա­յատա­նի Հան­րա­պետու­թեան դես­պան Աշոտ Սմբա­տեան, նա­հան­գա­յին քա­ղաքա­կան դէմ­քեր եւ քէօլնաբ­նակ հա­յեր։

Շուրջ եր­կու տա­րի տե­ւող աշ­խա­տու­թեան ար­դիւնքն է խաչ­քա­րի տե­ղադ­րումը։ Գոր­ծընթա­ցը մերթ ընդ մերթ հան­դի­պեցաւ քա­ղաքի թրքա­կան կազ­մա­կեր­պութիւննե­րու եւ թրքա­կան իշ­խա­նու­թիւննե­րու ար­գելման ջան­քե­րուն։ Սա­կայն շնոր­հիւ յա­րատեւ աշ­խա­տու­թեան այդ ջան­քե­րը իս­պառ մնա­ցին եւ խաչ­քա­րին վրայ տեղ գտաւ «Խաչ­քարս կանգնե­ցուած է ի յի­շատակ 1915-1916 Հա­յոց ցե­ղաս­պա­նու­թեան նա­հատակ­նե­րու յի­շատա­կին» գրու­թիւնը։ Խաչ­քա­րի բա­ցու­մէն եւ օրհնու­թե­նէն ետք Առաջ­նորդա­նիստ Սուրբ Սա­հակ Մես­րոպ Եկե­ղեց­ւոյ մէջ տե­ղի ու­նե­ցաւ յա­տուկ հան­դի­սու­թիւն։ Մի­ջոցառ­ման բա­ցու­մը կա­տարեց Քէօլնի հայ հա­մայնքի ատե­նապե­տու­հի Մի­նու Նիք­բայ։ Ող­ջոյնի խօս­քե­րով հան­դէս եկան ՀՀ. Դես­պան Աշոտ Սմբա­տեան, Քէօլնի քա­ղաքա­պետուի Էլի­ֆէ Շօ Անտվեր­պես, նա­հան­գա­յին խորհրդա­րանի ան­դամ Պե­րիվան Այ­մազ, քա­ղաքա­յին խոր­հուրդի քրիս­տո­նեայ տե­մոք­րա­թական խմբակ­ցութեան ղե­կավար Պերնդ Պե­տել­քաու, Քէօրլնի հայ հա­մայնքի երի­տասարդնե­րու անու­նով ալ Մատ­լեն Քալ­տը­րըմ եւ ու­րիշներ։ Ելոյթնե­րու մի­ջեւ տեղ­ւոյն Կե­միտաս երգչա­խումբի կա­տարումնե­րը լսուեցան։

Մի­ջոցա­ռու­մը իր աւար­տին հա­սաւ Առաջ­նորդա­կան փո­խանորդ Հայր Սե­րով­բէ Վար­դա­պետի հուսկբանքով։